Қызылқоғада электр желілері жаңартылуда
Биыл Қызылқоға ауданында 1 электр стансасы салынып, 68,9 шақырым электр желісі жүргізілді. Ауданға қарасты 7 ауылда электр желісі жаңартылып, 151 бағана мен 500-ге жуық лэд шамы орнатылды, — деп хабарлайды Өңірлік коммуникациялар қызметі.
Нәтижесінде ауылдық округтерге қарасты 26 елді мекен толық жарықтандырылды.
– Келер жылы Қаракөл және Қоныстану ауылына 3,6 шақырым және Қарабау ауылынв 7,7 шақырым электр желісін тарту үшін жобалық сметалық құжат дайындалады. Жобалау, кейін құрылыс жұмыстары аяқталған соң аудан 100% көше жарығымен қамтылады, — деді аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы Ерсағын Құмаров.
Бұдан бөлек, Тасшағыл, Қаракөл, Жангелдин ауылының кірмежолына электр бағанасы орнатылып, іске қосылды. Ал Қарабау мен Тайсойған ауылының кірме жолын жарықтандыру жұмысы 90 пайызға аяқталған.
