Құрманғазыға қарасты 17 ауылда электр желісі ауыстырылды

Биыл Құрманғазы ауданындағы 17 ауылдық округте 1445 жарық шамы, 1 100 бағана мен 3 трансформатор орнатылды. Жалпы 26 400 метр электр желісі жүргізілді, — деп хабарлайды Өңірлік коммуникациялар қызметі.

– Биыл аудан бойынша «Өңірлерді дамыту» бағдарламасы аясында Сүйіндік, Жанаталап, Сафон, Мақаш, Көптоғай, Бөкей хан ауылы толықтай жарықтандырылды. Сонымен қатар халық саны көп Ақкөл ауылында 54 шақырым электр желісі мен көше жарығы тартылды. Жаңа «Ақкөл» қосалқы станциясының құрылысы жүргізілуде. Бүгінде ауылішілік 605 электр бағанасы орнатылды, 23 шақырым кабель және әуе желісі жүргізілді. Қосалқы станциясының құрылысын жыл соңына дейін аяқтау жоспарланып отыр , — деді аудан әкімінің баспасөз хатшысы Гүльхат Хамза.