Қ.Сәтпаев көшесінің бір бөлігі жабылады

Атырау қаласының инфрақұрылымын сапалы дамыту мақсатында басты көше – Қаныш Сәтпаев даңғылы қайта жаңғырту жұмыстарынан өтеді. Осыған байланысты 14 сәуірден бастап Қаныш Сәтпаев даңғылының Құрманғазы көшесіндегі жол көпірінен Қабдырахман Ерниязов көшесінің қиылысына дейінгі бөлігі уақытша жабылады. Бұл туралы Атырау қаласы әкімдігінің баспасөз хатшысы Ғасырбек Төлеген хабарлады. 

-Сонымен қатар, бірқатар қоғамдық көлік бағыттары өзгеретінін хабарлаймыз. Жаңартылған бағыттар мен көше жабылу сызбасы арнайы картада көрсетілген.Уақытша қолайсыздықтар үшін кешірім сұраймыз. Түсіністік танытқандарыңызға рақмет!, — дейді  Ғ.Төлеген.

Алтыншаш ҚҰРМАШЕВА