Ұрпаққа үлгі өмір жолы

Атырау облысы әкімінің жанындағы әйелдер істері және отбасылық-демографиялық саясат жөніндегі комиссияның қолдауымен С.Мұқашев атындағы Атырау политехникалық жоғары колледжінің ұйымдастыруымен “Ұрпаққа үлгі өмір жолы” атты қоғам қайраткері Мадина Ғабдісәлімовамен кездесу кеші өтті.

Кеш кейіпкері саналы ғұмырын мемлекеттік қызмет саласына арнаған, «Парасат» орденінің иегері, Атырау облысының «Құрметті азаматы», қоғам қайраткері Мәдина Ғабдісәлімова өмір жолы мен өзіне алналған “Ақ ерке Ақ Жайық”, “Жайық қызы” әндерінің тарихына тоқталды. Әрі қарай еселі еңбек еткен тұлғалар туралы естеліктерін айтып, өзі еңбек еткен тұстағы естеліктерімен бөлісті. Ал, әріптес сіңлісі Рәшиля Мүрсалиева мерейтой иесінің қажырлы еңбегі мен азаматтық тұлғасына турасында кеңінен әңгімеледі.

Торқалы тоқсан жасқа толған қоғам қайраткерімен кездесуде студенттер көкейлеріндегі сұрақтарын қойып, ойларын да ортаға салды.

Рита ЖАЙҒАЛИҚЫЗЫ

Суреттерді түсірген Әнуар ӘБІЛҒАЗИЕВ