Ауылдың ажарын ашқан сенбілік

Қызылқоға ауданы Жамбыл ауылдық округінде «Таза Қазақстан» бағдарламасы аясында сенбілік ұйымдастырылды. Іс-шара барысында ауыл ішіндегі тал қоршаулары жаңартылып, сырланды. Қоршаулардың айналасындағы арам шөптер шабылып, тазартылды. Нәтижесінде 1 тонна көлемінде қоқыс-қалдықтар жиналып, арнайы полигонға шығарылды.

Сенбілікке округ тұрғындары белсене қатысып, барлығы 23 адам атсалысты. Сонымен қатар, тазалық жұмыстарына 1 бірлік трактор техникасы жұмылдырылды. Көше бойлары тазартылып, ауылдың санитарлық жағдайы жақсарды.

Мұндай экологиялық іс-шаралар округ аумағында алдағы уақытта да жүйелі түрде ұйымдастырылатын болады.

Алмас ҚАБДОЛ