Атырауда мұнай өнімдерін қабылдау линиясы түтінге оранды

Бүгін Атырау мұнай және газ өңдеу зауыты маңында сағат 13:58 шамасында түтін байқалған еді.

Зауыттың баспасөз қызметінен білгеніміздей, мұнда кондицияға сәйкес емес мұнай өнімдерін қабылдау линиясында қысқа мерзімді түтіндеу орын алған. Сағат 14:03-те түтін толықтай сөндірілген. Мамандар жағдайдың себеп-салдары анықталып жатқанын айтады. Сондай-ақ, бұл оқиға технологиялық нысандардың жұмысына әсер етпеген.

Айбөпе САБЫРОВА