«Самұрық-Қазына» қоры тұрғындарға түсіндіру жұмыстарын жүргізбек
Құрметті Атырау облысының тұрғындары!
2022 жылдың 21 қыркүйек сағат 14:30-да Атырау қаласында, 23 қыркүйек сағат 15:00-де Жылыой ауданында «Самұрық-Қазына» қорымен тұрғындар арасында ақпараттық-түсіндіру кездесуін өткізу жоспарлануда.
Іс-шараға «Самұрық-Қазына» АҚ, «ҚазМұнайГаз» ҰК» АҚ, «Қазпошта» АҚ, AIX және KASE қазақстандық қор биржаларының және брокерлік-дилерлік ұйымдардың өкілдері қатысады.
Сарапшылар қоғамды Қордың жекешелендіру бағдарламасының және портфельдік компаниялардың IPO-ның іске асырылу барысымен, оның ішінде бірінші IPO-кандидаты – «ҚазМұнайГаз» ҰК» АҚ компаниясына қатысты негізгі ақпаратпен таныстырады.
«Самұрық-Қазына» АҚ мақсаттарының бірі — барлық қазақстандықтардың IPO-ға қатысуын қолжетімді ету. Үкіметтік Жекешелендіру жоспарын іске асыру шеңберінде, Қор Қазақстан Республикасының азаматтарына өз активтерін бәсекелес ортаға шығару тетіктері және елдің ірі компанияларының IPO-ға қатысу мүмкіндіктері туралы толық ауқымды ақпарат тарату болып табылады.
Өтетін орны:
Атырау қаласында: Сафи Өтебаев атындағы Атырау мұнай және газ университеті, Балғымбаев орталығы. Мекен жайы: Мұса Баймұханов көшесі 45А.
Жылыой ауданында: «Кең Жылыой» Мәдениет үйі. Мекен жайы: Махамбет даңғылы 37.
