Коронавирусқа қарсы егілгендер басқа екпе ала алмай ма?

Желіде COVID-19 қарсы екпе жасатқан адамдар болашақта ашылуы ықтимал басқа вирустарға қарсы вакцинациялана алмайды деген жалған ақпарат таратылуда. Автордың пайымдауынша, мұндай тұжырымға коронавирустық вакциналар аденовирустарға негізделген және нәтижесінде иммунитет сол әдіспен жасалған басқа вакциналарға жауап бермейді.

Шын мәнінде, бұл олай емес. Бүгінгі күні ДДСҰ сайтында клиникалық зерттеулер сатысындағы 48 атаудан және 164-клиникалық атаудан тұратын кандидат вакциналардың тізімі жарияланған. Олардың барлығы әртүрлі әдістермен жасалған, соның ішінде белсенді емес және аденовирустық векторлар негізінде құрылған РНҚ және ДНҚ вакциналары.

Аденовирус векторы вирустың өзі емес. Бұл генетикалық материалды жасушаларға жеткізу үшін молекулалық биологтар жиі қолданатын құрал. Бұл процесті тірі организм ішінде (in vivo) немесе жасуша дақылында (in vitro) жүргізуге болады.

Вирустық векторлар патогендік вирустардан жасалғанына қарамастан, қауіпсіз. Олар өңдеу қаупін азайту үшін өзгертіледі. Әдетте вирустың көбеюі үшін қажетті вирустық геномның бір бөлігі алынып тасталады.

Аденовирустық векторларға негізделген вакциналар табиғи инфекцияға ұқсайды және иммундық жауаптың барлық түрлерін қоздырады: антиденелік, Т-жасушалық, туа біткен. Атап айтқанда, Эбола вакцинасы солай жасалды.

Осы ауруға қарсы егілгендер басқа вакциналарды қабылдай алмайтыны туралы расталған деректер жоқ.

«stopfake.kz»