![Атырау "қызыл аймақта": бір тәулікте 154 адамнан коронавирус анықталды 1](https://atr.kz/wp-content/uploads/2021/06/d04bac4ae95fad867cc961c988da2e1c_xl.jpg)
Атырау «қызыл аймақта»: бір тәулікте 154 адамнан коронавирус анықталды
«Атырауда 518 тұрғын коронавирустық инфекцияға қарсы ем қабылдауда» деп хабарлайды Атырау облыстық Денсаулық сақтау басқармасының баспасөз қызметі.
Соңғы тәулікте Атырау қаласында Covid-19 жұқтырудың 99 жағдайы тіркелді. Теңіз кен орнында скрининг нәтижесінде 6 адам анықталды.
Сондай-ақ, Жылыой ауданында — 11, Индерде 7, Исатай ауданында — 7 Махамбет ауданында — 4, Қызылқоғада — 7, Құрманғазы ауданында — 11, Мақатта — 2 адам анықталды.
Коронавирустық инфекциясы бар 101 науқаста ауру тиісті белгілермен өтуде.
Өткен тәулікте облыста коронавирустан 29 адам емделіп шықты.
Қазір 512 адам үй жағдайында, модульдік ауруханада 182,
№2 облыстық ауруханада -140, аудандық инфекциялық стационарларда – 119 адам ем алуда. Теңіз кен орнындағы инфекциялық стационарда 52 адам емделуде.
Айта кетейік, инфекцияның таралуы бойынша Атырау облысы «қызыл» аймақта.