ЖИЫРМА ҚОҢЫРАУ БІРДЕН СОҒЫЛДЫ
Білім күніне арналған салтанатты шарада сөз алған облыс әкімінің орынбасары Шыңғыс Мұқан өңірдегі білім беру саласындағы жетістіктерді атап өтті. Соның бірі – биыл облыстың отыздан астам мектебінің материалдық-техникалық базасы жаңартылғандығы. Назарбаев зияткерлік мектебінің ашылуы – соңғы жылдар бедеріндегі атап айтар жетістіктердің бірі.
Әнімен, биімен, қолөнерімен және көркемсуретімен көпті тамсандырып, жыл сайын әлемнің дүбірлі байқауларында жеңіске жетіп жүрген жас таланттар Білім күнінде де көзге түсті. Бұл күні Белоруссияда өткен өнер байқауынан екінші орын иеленіп келген «Қазына» тобы «Қаражорға» биін билеп, ән-жырдан шашу шашылды. Бір ерекшелігі, Кіші өнер Академиясына жаңадан қабылданған оқушылар түгелдей қолдарына қоңырау ұстай келіп, төңірек бір мезгілде әсем әуенге бөленді.
Құралай ОРАЗ.
