Жаңа оқу жылына қанша білім гранты бөлінетіні белгілі болды

2018-2019 оқу жылына арналған білім беру гранттарының мамандықтар бойынша тізімі шықты.

“Жоғары білімі бар мамандарды, магистрлерді, PhD докторларын даярлау үшін күндізгі оқу бөлімі бойынша мемлекеттік гранттар бөлінді. Ол 2018-2019 оқу жылына арналған. Білім және ғылым министрлігінің бұйрығында, аталған мамандарды даярлау үшін кота бөлінгені жазылған”, – делінген хабарламада.

53 594 грант жоғары білімі бар мамандар үшін, 12 504 грант магистрлерді даярлау үшін, 2 240 грант PhD докторларын даярлау үшін бөлінді.

Айта кетейік, биыл мемлекет есебінен техникалық мамандықтарға көп грант бөлінген.