UTEBAEV UNIVERSITY – КӨШБАСШЫЛАР ҚАТАРЫНДА!
UTEBAYEV UNIVERSITY өкілдері екі күндік «Университеттер – ел дамуының драйверлері» атты хакатонға қатысып, үздік атанды.
UTEBAEV UNIVERSITY-дің Ғылым және инновациялар жөніндегі проректоры Ринат Искаков бастаған команда мүшелері хакатонға белсенді қатысып, жаңа стратегиялық бағыттарды қалыптастыру, білім беру бастамаларын мемлекеттік басымдықтармен үйлестіру, сондай-ақ тиімділік метрикалары негізінде шешімдерді аналитикалық бағалау бойынша жұмыс жүргізді.
Сондай-ақ командада Аппарат жетекшісі Алия Қоңраубаева, ректор кеңесшісі Еділ Садықов, ректор көмекшісі Зарина Жолдыбаева, Салалық технологиялық құзыреттер орталығының директоры Сабит Мұханов және орталығының жетекші маманы Бачинская Наталья болды. Бұл ойын қатысушыларға жоғары білім беру саласын басқарудың инновациялық тәсілдерін сынап көруге, күрделі сценарийлер негізінде стратегиялық шешімдер қабылдауға мүмкіндік берді.
Еліміздегі 23 жоғары оқу орны қатысқан хакатоннан UTEBAEV UNIVERSITY III орынды иеленді! Бұл жетістік UTEBAEV UNIVERSITY-дің қазақстандық білім беру кеңістігінде көшбасшылық ұстанымын одан әрі нығайтып, университеттің стратегиялық дамуын жаңа деңгейге көтереді.
