![Ерасыл - «Euroskills –2023» халықаралық чемпионатының жүлдегері 1 img 9567](https://atr.kz/wp-content/uploads/2023/09/img_9567.jpeg)
Ерасыл — «Euroskills –2023» халықаралық чемпионатының жүлдегері
Биылғы 5-9 қыркүйек күндері Польшаның Гданьск қаласында «Euroskills –2023» халықаралық чемпионаты өтті.
Бұл туралы Атырау облысы Білім беру басқармасы облыстық Әдістемелік орталықтың instagram-парақшасында жарияланды.
“Үш күнге созылған «Euroskills –2023» халықаралық чемпионатына қатысқан 32 мемлекеттің ішінен біздің жастарымыз Қазақстан туын биікке көтерді.
![Ерасыл - «Euroskills –2023» халықаралық чемпионатының жүлдегері 2 818f43a5 b6b6 4931 9496 07c08177cbf7](https://atr.kz/wp-content/uploads/2023/09/818f43a5-b6b6-4931-9496-07c08177cbf7-1024x880.jpeg)
Ұлттық команда құрамында облысымыздан қатысқан С.Мұқашев атындағы Атырау политехникалық жоғары колледжінің «Электрмен қамтамасыз ету» мамандығының 4 курс студенті Ерасыл Бағытжан «CAD инженерлік графикасы» құзыреттілігі бойынша ел намысын қорғап, халықаралық чемпионатта «Үздік маман» және «Ұлт мақтанышы» медальондарымен марапатталды”,- деп жарияланған.
Айта кетейік, чемпионатта Қазақстан Ұлттық құрама командасының 28 қатысушы 25 құзыреттілік бойынша бақтарын сынаған болатын.
Нұргүл Насыр