Қазір сапалы білімді жоғары білікті кадрлар қамтамасыз ете алады. Осыған байланысты педагогтердің біліктілігін арттыру жүйесінде кеңкөлемді көмек беретін бірден-бір орталық – «Өрлеу». Біліктілікті арттыру жүйесінің негізгі міндеті – мамандардың курс аралық дайындығы арқылы кәсіби деңгейін жетілдіру болса, осы бағытта Атырау аграрлы-техникалық колледжінде бірнеше ондаған маман өз білімін көтерді.
Уақыт талабына сай, заманауи білім беру үшін отандық біліктілікті арттыру курстарына бүгінгі таңда жаңа талаптар қойылып отыр. Сондықтан, «Өрлеу» біліктілікті арттыру орталығы АҚ филиалы Атырау облысы бойынша педагогикалық қызметкерлердің біліктілігін арттыру институты жүргізілетін жұмыстардың әдістерін, түрлерін, мазмұнын әрдайым жетілдіріп келеді. Бұл үрдіс өз кезегінде студенттердің білімінен айқын көрінеді деп сенеміз.
Болат ҚОЖИЕВ,
Атырау аграрлы-техникалық колледжінің директоры,
экономика ғылымдарының кандидаты.
