Атыраулық оқушы ҰБТ-дан 134 ұпай жинады

Атырау қаласындағы “Зияткер” мамандандырылған мектеп-лицейінің түлегі Ербатыр Нұрсұлтан Ұлттық бірыңғай тестілеуден ең жоғары нәтиже көрсетіп, 134 балл жинады.

–Бұл – мектеп бойынша ең жоғары көрсеткіш. Ербатыр болашақта инженер-программист болғысы келеді, — дейді мектеп директоры Зәуре Базылқызы.

Айта кету керек, Ербатыр Нұрсұлтан «Үздік аттестат» иегері, жаратылыстану пәндерінен республикалық президенттік олимпиаданың және республикалық лингвистикалық олимпиаданың жүлдегері.

Асылым ЖАҢАЙ