Атырауда Таланттарды анықтау және қолдау орталығына жаңа директор тағайындалды
Облыстық білім беру басқармасының Таланттарды анықтау және қолдау орталығының директоры болып Қайырғали Азилов тағайындалды. Жаңа басшыны ұжымға облыстық білім беру басқармасының басшысы Марат Әбуов таныстырды. Бұл туралы аталған басқарманың баспасөз қызметі хабарлады.
Қайырғали Сүйіндікұлы – педагогика ғылымдарының магистрі, білім беру саласында мол тәжірибесі бар маман. Ол еңбек жолын 2009 жылы Ы.Алтынсарин атындағы орта мектепте тарих пәнінің мұғалімі ретінде бастаған. 2010-2015 жылдары дарынды балаларға арналған №30 мамандандырылған мектеп-гимназиясы директорының орынбасары болып қызмет атқарған. 2015-2017 жылдары Ю.Гагарин атындағы орта мектепте де директордың орынбасары қызметінде болды. Ал 2021 жылдан бастап №41 мектеп-гимназиясының директоры болып еңбек етті.
Өз тілшіміз
