2021 жылғы желтоқсанда Республикалық бюджеттің атқарылуын бақылау жөніндегі есеп комитеті Атырау облысына бөлінген бюджет қаражатын және мемлекет активтерін пайдалану тиімділігіне мемлекеттік аудит жүргізді.
Аудит барысында 2018 – 2021 жылдары 17 мектепті салу кезінде 11 мектепте үш ауысыммен оқыту жойылмағаны анықталды. Апатты жағдайдағы 4 мектеп ғимаратында 1 514 оқушы білім алуда. Осыған байланысты, Атырау облысының әкімдігіне апатты және ескі үйлерді, апатты, үш ауысымды мектептерді жою бойынша іс-шаралар кешенін әзірлеуге тапсырма берілді. Есеп комитетінің тапсырмасын орындау үшін Атырау облысының әкімдігі 2022 жылға арналған облыстағы апатты және үш ауысымды мектептерді жою бойынша іс-шаралардың жоспар-графигін әзірледі. Атырау қаласы әкімдігінің 2021 жылғы 21 қазандағы № 3166 қаулысымен Атырау қаласының тұрғын үй қорын реновациялаудың 2021-2025 жылдарға арналған бағдарламасы бекітілді.
«Есеп комитетінің баспасөз қызметі»
Фото: иллюстратив