Атырауда басталған санитарлық тазалық айлығына студенттер мен ерікті жастар да атсалысуда.
Олардың арасында Атырау аграрлық техникалық колледжі, Атырау қаласы Каспий өңірінің қазіргі заманғы колледжі, Атырау көлік және коммуникация колледжі, Атырау энергетика және құрылыс колледжінің студенттері бар. Ортақ іске әр ұжымнан барлығы қырыққа жуық жас жұмылды. Олар «Вест Дала» жауапкершілігі шектеулі серіктестігінен Береке ауылы мен Аламан базарына дейінгі аумақтарды қоқыстан тазартты. Сенбілікке шыққан студенттер тек мұнымен ғана шектеліп қалмай, алдағы уақытта игі істі дәстүрге айналдыруды көздеп отыр.
Диас НАУРЫЗАЛИЕВ
