«Тиімді оңалту» лагері белсенділіктің бастамасы

Атырауда мүгедектігі бар жандарға арналған «Тиімді оңалту» лагері өз жұмысын қорытындылады. Сегіз күнге созылған бұл ерекше жобақатысушылардың физикалық дайындығынан гөрі, ішкісенімін, өмірге деген құлшынысын оятуға басымдықберді. Жоба шеңберінде қатысушылар белсендіқозғалыс пен өзін-өзі күту дағдыларын үйреніп қанақоймай, өздерін жаңа қырынан таныды, қоғамменқайта қауышты.

Жобаны 2021 жылдан бері «Біз де адамбыз»қоғамдық қоры жүзеге асырып келеді. Сол жылдан бері Атырау мен Құлсарыда 13 лагерь ұйымдастырылып, 80-нен астам адам оңалту бағдарламасынан өтті. Қазіролардың көпшілігі қоғаммен белсенді байланыста, еңбекке араласқан, тәуелсіз өмір салтын қалыптастырып үлгерген жандар.

«Біз де адамбыз» қоғамдық қорының жетекшісі Гүлназ Қосмурзиева жобаның арқасында көптеген арба пайдаланушылар ашық еңбек нарығында өз орнын тапқанын айтты.

–Лагерьден кейін біз қатысушыларды жеке оқытуға бағыттап, жаңа кәсіп меңгеруге көмектесеміз. Кейбіреулері массажист атанды, ендібірі SMM саласына бет бұрды, тағы бірі – кондитерлікпен айналысып, алғашқы табысын тапты. Тіпті, параспортпен айналысып, спорттық жетістіктерге жетіп жүргендер де бар. Біз әрқашанқатысушыны нақты нәтижеге жеткізуге тырысамыз. Сол үшін де шығармашылық, спорттық және білім беру іс-шараларына жүйелітүрде тартып отырамыз. Осылайша, өзара қолдаумен түсіністікке негізделген ерекше жандардыңортақ қауымдастығын қалыптастыруды көздейміз, — деп түсіндірді қор жетекшісі.

Жалпы, бұл лагерь халықаралық тәжірибеге негізделген және Қазақстандағы белсенді оңалту бағытының нақты үлгісі болып саналады. Оның ерекшелігі – барлық нұсқаушылардың өздері де арбамен қозғалатын жандар. Олар кәсіби біліммен қатар, өмірлік тәжірибесімен бөлісіп, арбаның адамды шектемейтінін, керісінше өмірге қайта бейімдейтін құрал екенін дәлелдей білді.

– Біз сабақтарда берілетін барлық жаттығулардықатысушылар үй жағдайында да өз бетінше орындайалатындай етіп әзірлейміз. Белсенді кресло-арбаменжүру, түрлі кедергілерден өту, ойық жара мен контрактураның алдын алу, психологиялық өзін-өзіқолдау әдістерін үйретеміз. Сонымен бірге жүзу, аэробика, фитнес сабақтары арқылы денебелсенділігін күшейтуге ден қоямыз, — дейді лагерь нұсқаушылары.

…Арманға еркін ұмтылған жандар

Қызылқоға ауданынан келген Махамбет Серікқалиев пен Құлсары қаласынан келген Саят Күмісжан лагерьге дейін тек үй ішінде қолданылатынбөлмелік коляска-арбамен жүріп-тұрған. Сыртта еркінқозғалуға жарамсыз мұндай арбалар олардыңкүнделікті өмірін күрделендіре түскен. Ал лагерьдеолар алғаш рет белсенді коляска-арбамен қозғалутехникасын меңгеріп, дербес өмір сүруге алғашқықадам жасады.

Саят өзін-өзі күту, киіну, тамақтану секілдітұрмыстық дағдыларды алғаш рет игерді. Екеуі де бассейнде жүзуге машықтанып, бұрын-соңды болмағанеркіндікті сезінді.

– Бұған дейін мен өзімді қоғамнан шет қалған адамретінде қабылдайтынмын. Лагерь маған мүлде басқаөмірдің бар екенін көрсетті. Қазір өз-өзіме сенімдімін. Бұл мен үшін үлкен жеңіс, — дейді қатысушы Махамбет Серікқалиев.

Иә, лагерьдің артықшылығы тек физикалықмашықпен шектелмейтінінде еді. Жоба аясындаоңалтудан өткен адамдар кәсіптік оқуға жолданып, жаңа мамандық меңгеруде. Бұл әлеуметтік жоба ғана емес, адамның тағдыры мен болашағына салынған көпір. Жоба ұйымдастырушылары келешекте лагерь аясын кеңейтіп, өңірлерді қамтуды көздеп отыр.

«Тиімді оңалту» лагері тек жаттығу алаңы емес, өмірге қайта оралудың баспалдағы. Бұл сенім мен серпіліс, үміт пен өрлеу мектебі. Арбаға таңылса да, арманға еркін ұмтылған жандардың тағдырынөзгерткен бағдарлама.

Сондай-ақ шара аясында медициналық колледж студенттері мен әлеуметтік қызметкерлерге арналған екі күндік арнайы оқу ұйымдастырылды. «Мұндағы мақсат болашақта ерекше жандарға кәсіби қолдау көрсете алатын білікті мамандарды даярлау еді» дейді ұйымдастырушылар.

Майра ЕРҒАЛИ