Инватакси: Үш мыңнан астам адамға қызмет көрсетілді

Атырау облысында мүгедектігі бар адамдарға арналған инватакси қызметі белсенді жұмыс істеп, олардың күнделікті өмірін жеңілдетуге үлес қосуда. Мемлекеттік әлеуметтік тапсырыс аясында қазіргі таңда 118 инватакси көлігі қызмет көрсетуде. Оның ішінде 11-і арнайы жабдықталған болса, қалған 103-і стандартты көліктер.

Облыстық жұмыспен қамтуды үйлестіру және әлеуметтік бағдарламалар басқармасынан алынған мәлімет бойынша, өңірде 2024 жылы инватакси қызметін пайдалану көрсеткіші жоғары болды. Қозғалуында қиындықтары бар 3101 мүгедектігі бар адамға 204 364 рет тасымалдау қызметі көрсетілді. Бұл көрсеткіш облыстағы әлеуметтік көлік қызметінің сұранысқа ие екенін көрсетеді.

Облыс әкімдігінің қолдауымен инватакси қызметі одан әрі кеңейтіліп, Атырау қаласында мүгедектігі бар адамдарға арналған қосымша 5 мамандандырылған инватакси көлігі сатып алынды. Бұл көліктер азаматтардың тасымалдау сапасын жақсартып, олардың қажеттіліктерін қанағаттандыруды қамтамасыз етеді.

Алтыншаш НӘСІПҚАЛИҚЫЗЫ

Сурет: gov.kz