Редакция құрамы

Балмагамбетов Исатай

Облыстық «Атырау» газетінің Бас редакторы

Балмағамбетов Исатай Құндызбайұлы

Исатай Құндызбайұлы 1961 жылдың 20 ақпанында Жылыой ауданы, Қаратон поселкесінде туған. 1983 жылы ҚазМУ-дің журналистика факультетін үздік бітірген. Еңбек жолын Атырау облыстық «Коммунистік еңбек» газетінде бастаған. 1990 жылы арнайы шақырумен республикалық «Лениншіл жас» газетінің батыс облыстар бойынша меншікті тілшісі қызметіне тағайындалды.

Ол әр жылдары Атырау облысы әкімінің баспасөз хатшысы, Атырау облыстық телерадиокомпаниясының жауапты редакторы, республикалық «Қазақстан-Zaman», «Заң» газеттерінің меншікті тілшісі,  «Ақ Жайық» газеті бас редакторының орынбасары – қазақша  басылымының жауапты редакторы, республикалық «Алтын Орда» газеті  бас редакторының бірінші орынбасары болып істеді. 2007 жылдың сәуірінен 2010 жылдың желтоқсанына дейін республикалық «Алтын  Орда» газетінің директоры – Бас редакторы қызметін атқарды.

Қазір Атырау облыстық «Атырау» газетінің Бас редакторы. Ол – Қазақстан Республикасының Мәдениет қайраткері, Қазақстанның Құрметті журналисі, ҚР Ақпарат саласының үздігі, Жылыой ауданының Құрметті азаматы. Қазақстан Журналистер Одағы сыйлығының лауреаты.


Облыстық «Атырау» газеті бас редакторының бірінші орынбасары

Ерғалиев Нұрым Тельманұлы

1982-1987 жылдары Әл-Фараби атындағы Қазақ Ұлттық Университетінің журналистика бөлімін тәмамдаған. 1987 жылы Балықшы аудандық «Каспий таңы» газетінде тілші, бөлім меңгерушісі болып қызмет атқарған. Кейіннен ауданның таратылуына байланысты Құрманғазы аудандық «Серпер» газетіне ауысып, жауапты хатшы, бас редактордың орынбасары болып қызмет атқарған. 2001 жылы облыстық «Атырау» газетіне қызметке ауысып, ауылшаруашылығы бөлімін басқарған. 2002 жылы Т.Амандосов атындағы облыс әкімі сыйлығын иеленген. 2004-2020 жылдары Махамбет аудандық «Жайық шұғыласы» газетінің бас редакторы, бір жылға жетпейтін уақыт Исатай аудандық «Нарын таңы» газетінің бас редакторы қызметтерін атқарған. «Атырау-Ақпарат» ЖШС-нің баспаханасында әдеби редактор болды. 2020 жылғы сәуір айынан бастап – облыстық «Атырау» газеті Бас редакторының бірінші орынбасары. Махамбет аудандық мәслихатының қатарынан үш шақырылым депутаты, әлеуметтік мәселелер жөніндегі тұрақты комиссия төрағасы, аудандық сот жанындағы алқа билер мүшесі қоғамдық қызметтерін атқарған.

ҚР Конституциясына – 20 жыл, ҚР Мәслихаттарына – 20, 25 жыл мерекелік медальдарымен марапатталған. Облыс әкімінің Құрмет Грамотасының және кезінде ақпарат министрі болған А.Сәрсенбаевтың қолы қойылған Құрмет грамоталарының иегері. Сондай-ақ, аудан, облыс әкімдерінің Алғыс хаттарын иеленген. Түрлі баспалардан – «Ер кезегі», «Шіркін, дәурен!», «Қиғаш» өлең жинақтары, «Сөнбес сәуле» деректі әңгімелер мен эссе жинақтары жарық көрді.


мен гой

«Атырау» газеті бас редакторының орынбасары – 

Базарбаев Азамат Сансызбайұлы

Индер ауданында 1973 жылы 13 тамызда дүниеге келді. Еңбек жолын Индер аудандық «Дендер» газетінде корректор болып бастады. Одан соң шекара әскері қатарында Отан алдындағы борышын өтеді. Х.Досмұхамедов атындағы Атырау университетінде оқып, жоғары білім алды. Облыстық «Атырау» газетінде 1998 жылдан бастап қызмет жасап келеді. 2006 жылы республикалық «Алтын Орда» апталығына қызмет ауыстырып, бас редактордың орынбасары болды.

Бүгінде облыстық басылымда экономика және әлеуметтік мәселелер жөніндегі бөлімнің меңгерушісі. Республикалық С.Бердіқұлов атындағы сыйлықтың лауреаты. Облыс әкімінің Алғыс хатына ие болды. Облыстық прокуратура, сот, ішкі істер департаменті басшылығының арнайы сыйлығын иеленді. «Теңізшевройл» ЖШС-і ұйымдастырған журналистер арасындағы конкурста бірнеше рет жүлделі орыннан көрінді. Отбасылы.


 Д.Мұхамбеталиев жауапты хатшы

Жауапты хатшы – Мұхамбеталиев Дәурен Қуанышұлы

1987 жылы 6 маусымда Мақат ауданының Доссор кентінде дүниеге келген. Алғашқы еңбек жолын 2006 жылы Мақат ауданындағы «Мұнайшы» газетінде көркемдеуші-дизайнер қызметінен бастаған. 2007 жылдан бастап Облыстық «Атырау» газетінде дизайнерлер цехының басшысы, жауапты хатшының орынбасары қызметтерін атқарды. 2016 жылдың наурыз айынан «Атырау» газетінің жауапты хатшысы. Отбасылы. Жолдасы мемлекеттік қызметте. Бір ұлы, бір қызы бар. Үлгілі қызметі үшін 2017 жылдың үздік жауапты хатшысы және облыстық, қалалық әкімдіктің, салалық басшылықтың көптеген марапаттарына ие болған.


DSC_0507

Қоғамдық-саяси бөлімнің меңгерушісі –

Әмірова Гүлжан Тасболатқызы

2001-2006 ж. Х.Досмұхамедов атындағы Атырау Мемлекеттік Университетінің журналистика бөлімін тәмамдаған. Еңбек жолын 2005 жылы республикалық «Алтын Орда» газетінде тілші болып бастаған. Жауапты хатшы, бөлім редакторы, шеф редактор қызметтерін атқарған. 2012 жылдан облыстық «Атырау» газетінде қызметте. Бөлім редакторы, жауапты хатшы, әдеби редактор лауазымдарында еңбек еткен.


IMG_8781-10-04-18-10-07

Экономикалық және әлеуметтік мәселелер бөлімінің меңгерушісі

Сабырова Айбөпе Мұратқызы 

1987 жылдың 19 маусымында Атырау қаласында дүниеге келген. 1993-2004 жылдары қаладағы Д. Байбосынов атындағы №13 ұлттық мектеп-гимназиясында білім алған. 2004-2008 жылдары Х.Досмұхамедов атындағы Атырау мемлекеттік университетін журналистика мамандығы бойынша «үздік дипломмен» аяқтаған. Әр жылдары облыстық телеарна, «Мұнайлы астана» газетінде – тілші, Жастар Қауымдастығы, «Атырау инновейшнз» ЖШС-де – баспасөз хатшысы қызметтерін атқарған. 2007 жылдың қараша айынан бастап табан аудармастан облыстық қоғамдық-саяси «Атырау» газетінде еңбек етіп келеді. «Даму» қоры ұйымдастырған республикалық байқаудың «Үздік мақала» номинациясын, түрлі марапаттарды иеленген.


Алтыншаш Курмашева

Құқық қорғау және экология бөлімінің меңгерушісі –

Құрмашева Алтыншаш Нәсіпқалиқызы

1989 жылы 2 қаңтарда Атырау облысы, Махамбет ауданы, Ақтоғай ауылында дүниеге келді. 2010 жылы Х.Досмұхамедов атындағы Атырау мемлекеттік университетінің гуманитарлық факультеті журналистика бөлімін үздік дипломмен бітірді. Еңбек жолы 2011 жылы тамыз айында облыстық «Атырау» газетінде тілшіліктен басталды. Кейін басылымның құқық қорғау және экология бөлімінде аға тілші, корректура бөлімінде корректор қызметтерін де атқарды.


Гулзада Ниеткалиева

Мәдениет, білім, денсаулық және спорт бөлімінің меңгерушісі –  Ниетқалиева Гүлзада Рахметқызы

Гүлзада Рахметқызы НИЕТҚАЛИЕВА  Атырау (Гурьев) облысы Құрманғазы (Теңіз) ауданы, Көптоғай ауылында дүниеге келді. Әкесі-Рахмет Ниетқалиев тарих пәнінің мұғалімі, ал анасы-Мағмура Камалова математика пәні мұғалімі. 1972 жылы М.И.Калинин, қазір Сәбит Мұқанов атындағы орта мектепке барды. Ы.Алтынсарин атындағы орта мектепті 1982 жылы бітірген.  Гурьев педагогика институты тарих факультетінің түлегі. Филология ғылымдарының кандидаты. «Ақбота күнді аңсаумен»,  «Айдың сүттей сәулесі», «Қарлығашы Қиғаштың», «Ардақтым» жыр-жинақтарының, Ақын, Мемлекеттік сыйлықтың лауреаты Есенғали Раушановтың шығармашылығы туралы «Тұма жырдың тұнығы» және жазушы-драматург Рахымжан Отарбаевтың шығармашылығы жайында жазылған «Дара» монографиялық кітаптарының авторы.

2017 жылы «Аллажар», «Жүректегі жанартау», «Хазар қасидалары» жыр жинақтары баспадан шықты. «Жүректегі иман гүлі» атты жаратқанға мінәжат дастаны Ұлыбританиядан жарық көрген. 2003 жылы ЮНЕСКО көлемінде тойланған Махамбет Өтемісұлының 200 жылдығы аясында Атырау облыстық телерадио компаниясында тележурналист болып қызмет ете жүріп, «Махамбет-200» телехабарлар сериясын жүргізді және «Қарой қасіреті» дастанын жазды. Осы еңбегі үшін 2003 жылы сол кездегі облыс әкімі Аслан Мусиннің ұсынысымен төрт жылда бір рет берілетін  Махамбет атындағы сыйлыққа ұсынылды. 1987-2000 жылдар аралығында Атырау облысы, Құрманғазы аудандық оқу бөліміне қарасты аудан мектептерінде ұстаздық қызмет жасады. 2000-2005 жылдар аралығында атырау облыстық телевидениесінде, 2005-2007 жылдары «Ақ Жайық» апталық газетінде аға редактор, Облыстық «Қайсар» газетінде Бас редактор қызметін атқарды.


ЕАС 095

Шолушы – Аруев Дәулетқали Латифұлы

1963 жылдың 25 маусымында Махамбет селосында дүниеге келді. 1980 жылы Махамбет орта мектебін (қазірде Е.Ағелеуов атындағы), 1983 жылы Атырау теміржол-көлік техникумын, 1992 жылы Әл Фараби атындағы Қазақ ұлттық мемлекеттік университетінің журналистика факультетін бітірді. 1986 жылдан баспасөз саласында. Еңбек жолын Махамбет аудандық «Жайық  шұғыласы» газеті редакциясында бастаған. 1986-1993 жылдары осында корректор, әдеби қызметкер, радио хабарларын ұйымдастырушы, бөлім меңгерушісі, 1993-1996 жылдары Балықшы аудандық «Каспий таңы» газетінде бас редактордың орынбасары-жауапты хатшы, «Балықшы» телеарнасының редакторы   қызметтерін қоса атқарды. 1996-2007 жылдары облыстық «Атырау» газетінде бөлім редакторы, 2007-2012 жылдары Исатай аудандық «Нарын таңы» газетінің бас редакторы.

2012-2016 жылдары облыстық «Атырау» газетінде жоғары санатты тілші, экономикалық және әлеуметтік мәселелер бөлімінің меңгерушісі. 2016 жылдың сәуір-желтоқсан айлары аралығында Махамбет аудандық «Жайық шұғыласы» газетінде бас редактор. Қазақстан Журналистер Одағының мүшесі. Профессор Т.Амандосов атындағы Атырау облысы әкімі сыйлығының иегері. Атырау облысы, Атырау қаласы және Исатай ауданы әкімдерінің Алғыс хаттарымен, Құрмет грамоталарымен, республикалық салалық кәсіподақтар федерациясының Құрмет грамотасымен марапатталған.


Малике

Шолушы – Мәлике Қуанышева

Атырау облысы, Қызылқоға ауданы, Тасшағыл ауылында 1987 жылы  1 ақпанда дүниеге келген. Х.Досмұхамедов атындағы Атырау мемлекеттік университеті гуманитарлық факультеті журналистика бөлімінде білім алып, оқу орнын 2008 жылы үздік дипломмен бітірген. Алғашқы еңбек жолын «Атырау тудэй» газетінен бастаса, 2011 жылдан бері облыстық «Атырау» газеті қабырғасында жүріп тілші, аға тілші болды.


Мұратбек

Шолушы – Жаңабай Мұратбек Төлегенұлы

1975 жылы 3 тамызда Атырау облысы Қызылқоға ауданы Миялы селосында дүниеге келді. 1982-1992 жылдар аралығында  Атырау қаласындағы Қаныш Сәтбаев атындағы №19 қазақ орта мектепте  білім алды. 1992 жылы қазіргі Халел Досмұхамедов атындағы Атырау мемлекеттік университетінің филология факультетіне оқуға түсіп, оны 1997 жылы бітірді. 1997 жылы Атырау қаласындағы №3  орта  мектепте қазақ тілі пәнінің мұғалімі, 1997-2007 жылы аралығында «Қазақстан темір жолы»  ҰК»АҚ –ның   «Атырау тасымалдау бөлімшесі» филиалында аудармашы, 2009 жылы Атырау облыстық туризм, дене шынықтыру  және спорт басқармасының бас маманы, 2011 – 2014 жылы  Атырау облысы тарихи-мәдени мұраны қорғау, қалпына келтіру және пайдалану жөніндегі мемлекеттік инспекциясында  ғылыми қызметкер, бөлім меңгеруші,  2018 жылғы ақпан айынан  облыстық «Атырау» газетінің тілшісі.


ЕАС 143

Қоғамдық-саяси бөлімнің аға тілшісі –

Сейтімова Лиза Шайхашқызы

1963 жылы Гурьев қаласында дүниеге келген. Сол кездегі педагогика институтына оқуға түскен. Оны 1985 жылы аяқтаған. Еңбек жолы сол жылы Маңғыстау облысынан басталып, кейін Гурьев қаласында жалғасқан. 1990 жылдан бастап облыстық «Атырау» газетіне тілшілік қызметке келген. Журналистер арасында өткен республикалық «Жүректен жүрекке» ұлттық байқаудың 2000 жылғы жеңімпазы, республикалық «Премьер-сақтандыру» конкурсының 2005 жылғы жүлдегері. 2004 жылдың қорытындысымен «Үздік журналист» атанып, 2006 жылы Тауман Амандосов атындағы ең жоғары сыйлықты иеленді.


амандык (3)

Жаңалықтар және web-сайт бөлімінің аға тілшісі –

Абдол Амандық Сағынтайұлы

Атырау қаласында дүниеге келді. 1997-2008 жылдары қаладағы А.Пушкин атындағы №20, Ж.Жабаев атындағы №21 мектепте және №29 мектеп-лицейде білім алды. Ал, 2008-2012 жылдар аралығында Х.Досмұхамедов атындағы Атырау мемлекеттік университетінде қазақ тілі мен әдебиеті мамандығы бойынша жоғары білім алған. Аталған университеттің журналистика медиа-студиясында қосымша жұмыс жасап, «Университет» газетін шығарып тұрды. Республикалық «Астарлы ақиқат» газетінің меншікті тілшісі болды. Сол уақыт ішінде Атырау қаласы әкімінің Алғыс хатымен марапатталған. Оқу аяқталысымен қазірге дейін «Атырау» газетінде еңбек етіп келеді. 2013 жылы «Атырау-Ақпарат» ЖШС «Шежіре» шығармашылық орталығында редактор болып қызмет атқарды.

2014 жылы Алматы қаласында «Бақыт биігіндегі бір күн» атты таңдамалы шығармалар жинағы жарық көрді. Ал, 2015 жылы «Атырау қаласының ең үздік журналисі» атанып, шаһар басшысының Алғыс хатын иеленді. Сондай-ақ, «ТШО» ЖШС-нің журналистер байқауында «Жас қалам» номинациясының, Атырау облыстық «Мемлекеттік тіл және БАҚ» (2018 ж.) «Латынға көшу – өркениетке қадам» (2019 ж.), байқауларының жеңімпазы. Ал, 2019 жылы халықаралық «Алтын қалам» әдеби сыйлығының «Жылдың үздік сатирасы» аталымын жеңіп алды.

Фототілші – Алтыбаев Ерлан Сәкенбайұлы

1972 жылы 13 желтоқсанда Махамбет ауданы, Таңдай селосында дүниеге келген. 1990 жылы Орал педагогикалық институтында Бейнелеу өнері факультетінде білім алған. 2000 жылдан бері облыстық «Атырау» газетініңбеттеуші-дизайнері, кейін фототілшісі қызметтерін атқарып келеді. Отбасылы.


ЕАС 050

Бет құрушы – Арапова Жанат Казезовна

1972 жылы жылы 18 қаңтарда Шығыс Қазақстан облысы, Күршім ауданында дүниеге келген. Өскемен қаласында мәдени-ағарту колледжін бітіріп, кейін АтМГИ-да білімін жалғастырып «экономист» мамандығын алған. 2003-2012 жылдарда Республикалық «Алтын Орда» газетінде  дизайнер-бет құрушы, жауапты хатшы қызметін атқарған. Қазіргі таңда «Атырау»  газетінде дизайнер-бет құрушы қызметін атқарып келеді. Отбасылы.


ЕАС 068

Бет құрушы – Жолдыбаева Айнагүл Николайқызы

1974 жылы 26 каңтарда Атырау қаласында дүниеге келген. Қаладағы №15 Абай атындағы орта мектепті бітірген. Еңбек жолын 1995 жылдың қыркүйек айынан бастап «Атырау» газетінде корректор, теруші қызметтерін атқарды. 2002 жылдан бері І-категориялы бет құрушы дизайнер болып жасайды. Үлгілі қызметі үшін министрліктің Құрмет грамотасымен, облыстық, қалалық әкімдіктің, салалық басшылықтың көптеген марапаттарына ие болған. Жанұялы, екі ұлы бар.

Сая

Бет құрушыРамазанова Сая Сағынғалиқызы

1980 жылы 1 қаңтарда Құрманғазы ауданы, Нұржау селосында дүниеге келген. 1997-1999 жылдары Атырау агротехникалық колледжінде оқып, «Бухгалтер-экономист» мамандығын алған. 1999-2001 жылдары Атырау облыстық мектеп-интернатында бухгалтерлік қызмет атқарған. 2003-2007 жылдары Х.Досмұхамедов атындағы Атырау мемлекеттік университетінің «Қаржы және несие» факультетін оқып бітірген. 2002-2006 жылдары «Туран-газеті» ЖШС-де дизайнер-бет құрушы, 2006 жылдан «Атырау» газетінде дизайнер-бет құрушы қызметін атқарып келеді. Отбасылы.


ЕАС 135

Хатшы-референт – Елеусінова Клара Сейітжанқызы

1968 жылы 6 желтоқсанда Гурьев қаласында дүниеге келген. Н.Крупская атындағы орта мектепті тәмамдаған. 1987 жылы 12 ақпанда облыстық «Коммунистік еңбек» газетіне машинистка болып жұмысқа орналасып, 1997-2011 жж. «Атырау» газетінің компьютер цехында, 2011 жылдан бері редакцияда хатшы-референт болып еңбек етеді.


A03iLzBNwhc

Корректор – Амангелдиева Салтанат Ермырзақызы

1995 жылы 1 маусым айында Атырау облысы, Қызылқоға ауданы, Мұқыр селосында дүниеге келді. 2013 жылы Мұқыр орта мектебін, 2017 жылы Қ.Жұбанов атындағы Ақтөбе өңірлік-мемлекеттік университетінің филология факультетін бітірген. Қазіргі таңда «Атырау» газетінің корректоры қызметін атқарады.


ЕАС 203+01

Корректор – Алтын Шомажанова

1974 жылы 13 шілдеде  Қызылқоға ауданында дүниеге келген. Х.Досмұхамедов атындағы Атырау мемлекеттік университетінің тарих мамандығы бойынша тәмамдаған. 1997-2005 жж. Д.Байбосынов атындағы №13 ұлттық мектеп-гимназияда ұстаздық қызмет атқарған. 2006 жылдан бері «Атырау» газетінде корректор болып қызмет етеді.


 ЕАС 203

Корректор – Эльмира Әбілқайырова

1976 жылы 5 қарашада Балықшы поселкесінде дүниеге келген. Ә.Жанкелдин атындағы орта мектепті бітірген соң, 1993-1998 жылдары Х.Досмұхамедұлы атындағы Атырау педагогикалық университетін ұлттық мектептердегі қазақ тілі факультеті бойынша тәмамдады. Еңбек жолын 1996 жылы Балықшы аудандық «Каспий таңы газетінде тілші болып бастады. 2002 жылдан «Атырау-Ақпарат» мекемесінің қызметкері. Күні бүгінде «Атырау» газетінде корректор міндетін атқаруда.


rvMLqwWW-CQ

Тілші – Жамбозова Гүлдана Ерланқызы

1995 жылы 10 қаңтарда Қызылқоға ауданында дүниеге келген. 2013-2017 жылдар аралығында Х.Досмұxамедов атындағы Атырау мемлекеттік университетінде журналистика мамандығы бойынша жоғары білім алған.