Мәдениет

ТАҒЫЛЫМЫ МОЛ БАСҚОСУ

Облыстық қарттар мен мүгедектердің интернат үйінде Тұңғыш Президент күні мен Тәуелсіздік күніне орай шара өтті. Интернат қызметкері Ханнат Төлесінова Елбасы және Қазақ елі тәуелсіздігі туралы әсерлі әңгіме айтты.
Дина Нұрпейісова атындағы академиялық қазақ халық аспаптар оркестрінің мүшелері Құрманғазының «Балбырауын», «Адай» күйлерін тамылжыта шертсе, әнші Айнаш Забихова Ғ.Құрманғалиевтің «Әнші даусы», Нартайдың «Сырнайлым», Сүгірдің «Әпитөк» әндерін нақышына келтіре орындап берді.
Тасқала селосының Тауман Амандосов атындағы орта мектеп директоры Мүслима Базарбаева оқушыларды бастап келіп, олардың өнерін тамашалатса, қала тұрғыны Сәуле Қайыржанова өз атынан мерекелік дастархан мәзірін тарту етті. Осылайша аталып өткен Тұңғыш Президент күнін әрбір қарт естерінде ұзақ сақтайтын болады. Ал, 85 жастағы Рахметолла Ізтелеуов қария көтеріңкі көңіл сыйлаған жанның баршасына үлкендер атынан ақ батасын берді.

Читать далее »

«КӨРІНГЕН СОНАДАЙДАН НАРЫН ЕДІ…»

Атырауда Мекес Төрешов атындағы II аймақтық дәстүрлі әнші-термешілер байқауы өтуде
Кеше Атырауда ҚР еңбек сіңірген әртісі, «Құрмет» орденінің иегері Мекес Төрешов атындағы «Көрінген сонадайдан Нарын еді...» атты II дәстүрлі әнші-термешілердің аймақтық байқауы басталды.

Читать далее »

ӘН – ҒҰМЫР

«Біздің бәріміз де Парламент депутаты бола аламыз, бірақ, ешқайсысымыз да өнер адамы бола алмаймыз. Сондықтан да, өнер адамы біздің емес, біз өнер адамының қолынан сүйеміз». Бұл - Ататүріктің айтқаны. Алып-қосары жоқ, айқын да, түсінікті емес пе? Бүгінгі әңгіме өзегі – сондай өнер тарланы, Батыс Қазақстан өлкесіндегі әншілік мектептің ұлы ұстазы – Мұхит салдың үлгі-өнегесімен, ән нұсқаларының інжу-маржан дерлік бай мұрасын әлемдік деңгейге көтерген Қазақстанның халық әртісі Ғарифолла Құрманғалиевтың ізін басқан жарқын талант иесі, Қазақстанның еңбек сіңірген әртісі Мекес Төрешов хақында.

Читать далее »

МЕКЕСТІҢ ӘНІ

қазақтың  дәстүрлі  әншілік

өнерінің  жарқын  жалғасы  еді

Қазақтың дәстүрлі әншілік өнері сөз болғанда алдымен елiмiздiң батыс өлкесiндегi кәсiби әншiлiк мектептiң негiзiн қалаушы дарабоз өнер иесi Мұхит Мералыұлының (Мұқамбеткерей, 1840-1918жж.) шығармашылығы сөз болады. Мұхит мұрасы – оның қасына ерiп, репертуарын тұтастай алып қалған немерелерi Шынтас пен Шайқы Қаратаевтардан Ғарифолла Құрманғалиевке ауызекi жалғасты. Осындай таланттардан жалғасқан әншiлiк дәстүрдi Ғарифолла Құрманғалиев өз шығармашылығы арқылы насихаттап, 1965 жылы республикалық эстрада-цирк өнерi студиясында ашылған батыс ән мектебi класында тәрбиеленген шәкiрттерiне үйреттi. «Мұхит мақамдары» көптеген таланттардың танылуына себін тигізді. Солардың қатарынан Ғарифолланың алдын көрген әнші Мекес Төрешовті атауға болады.

Читать далее »

«ӘДЕМІ-АЙДЫҢ» ӘСЕМ СЫЙЫ

Ғасырдан ғасырға жалғасып келе жатқан озық мәдениетімізді жинақтап, сақтап, байытып, келешек ұрпаққа табыстау – бүгінгі күннің басты міндеті. Осыны басты назарда ұстаған ұлттық нақыштағы кәдесыйлар мен зергерлік бұйымдар өндіретін «Әдемі-ай» компаниясы өткеніміз бен бүгінімізді, ертеңімізді бейнелейтін кәдесыйлар топтамасын ұсынып келеді. Ұлттық құндылықтарымызды насихаттап, әлемдік брендке айналдырып үлгерген компания «Жайық-Ақпарат» баспасөз клубында болып, көрме өткізді.

Читать далее »

СИҚЫРЛЫ САУСАҒЫНАН САУЛАҒАН КҮЙ…

Күнделікті әдетпен жұмыс орныма бас сұққан сайын түрлі адамдарды кездестіремін. Әрқайсысы – әрқилы тағдыр иелері. Осылардың арасынан орта бойлы, тұрысы тік, жүрісі жай, үнемі мұнтаздай киінген азамат ылғи да ерекше көрінеді. Жанарына тұнық ой ұялаған бұл отағасының есімі – Жәнібек Ұзақбайұлы. Қызылды-жасылды дүниенің сауық-сайранына өте көп қызыға бермейтін аса сабырлы осы бір жанды әріптестері қатты қадірлеп, мақтан тұтады. Себебі, Жәнібек аға руханияттан еркін сусындаған, өнердің көгінде жарқырай білген тума таланттар қатарынан еді.

Читать далее »

ЕУРОПАДА ЕРЕК ТАНЫЛҒАНДАР

Еуропа – әлемдік мәдениет орталықтарының бірі, мұндағы әрбір ел өзінше әдемі, бірін-бірі қайталамайды. Еуропаға жасалған саяхат адамның танымын кеңейтіп, білім деңгейін жоғарылатып, шығармашылығын шыңдай түсетіні сөзсіз. Осы мақсатта Құрманғазы атындағы балалар саз мектебінің өнерпаздары Украина, Польша, Берлин, Дрезден қалаларын аралап, «Детские сияние» атты халықаралық фестивальға Қазақ елі атынан қатысып келді. Олар өнер көрсеткені үшін арнайы дипломдармен және кубоктармен марапатталды.

Читать далее »

КҮМБІРЛЕП КҮЙ ТӨГІЛДІ

Атырауда Сейілхан Құсайынов атындағы I республикалық дирижерлер конкурсы өтті. Құрманғазы атындағы Мәдениет сарайында өткен бұл дода жүзден жүйріктерді анықтады.
Белгілі өнер тұлғалары жиналған қазылар құрамына ҚР Еңбек сіңірген өнер қайраткері, «Дарын» сыйлығының лауреаты, Қазақстан Композиторлар Одағының мүшесі, профессор Айтқали Жайымов төрағалық етті.

Читать далее »

«АҚ КӨГЕРШІННІҢ» ЖҮЛДЕГЕРЛЕРІ

«Ақ көгершін» фестиваль-байқауы жыл сайын талай    талантты өренді көпшілікке паш етуіге ықпал жасап келеді. Биыл бұл байқау Алматыда оныншы рет өткізілді. Оған еліміздің әр түкпірінен жеті жүзге  жуық өнерлі балдырған қатысты. Ылғи дарындылар жиналған бәйгеден атыраулық өнерпаздар да олжалы оралды.

Читать далее »