Әлем чемпиондары Құлсары көшелерімен жүгіріп өтті (+ФОТОРЕПОРТАЖ)

J8A0574 1 Жаңалықтар

Аtr.kz/29 сәуір, 2019 жыл. Өткен сенбіде Жылыой ауданының орталығында  Жастар жылы аясында «Qulsary Marafon – 2019»  жаппай жүгіру сайысы болып өтті. Аудан тарихында алғаш рет ұйымдастырылған бұл спорт мерекесіне жалпы есеппен мың жарымнан астам адам қатысып, олар «Спорт – денсаулық кепілі» деген ұранмен ұзақтығы  үш шақырымдық  жолды жүгіріп шықты.

Аудан тұрғындарын салауатты өмір салтын ұстануға шақыру мен олардың спортпен шұғылдануға деген көзқарастарын қалыптастыруды көздеген  бұл шараға құрметті қонақ ретінде Индонезияда өткен Паразияданың суға жүзуден екі дүркін чемпионы, әлем кубогының иегері, «100 жаңа есім» жобасының жеңімпазы Ержан Сәлімгереев, аралас жекпе-жектен әлем чемпиондары  Қайрат Ахметов пен Нұрберген Шарипов, джиу-джитсудан әлем чемпиондары Османжан Қасымов пен  Жалғас Жұмағұлов, жекпе-жек ұлттық спортынан әлем чемпионы Арман Әшімов секілді әлемдік додаларда ел байрағын биікке көтерген  танымал спортшылар да қатысты. Олардың бірқатары көпшілікпен бірге марафонда жүгіріп, жарыстың мәнді де сәнді өтуіне өз үлестерін қосты.

57442628 2411151815771862 8886668144404332544 n
58649569 2411151725771871 3506917273371672576 n

Шара барысында аудан әкімі Азамат Бекет марафонға  қатынасқандарға алғыс білдіріп, қолдау көрсеткен әлем чемпиондары мен демеушілерге шексіз ризашылығын білдірді.

58968107 2411151935771850 3041002712910004224 n
58629909 2411151905771853 828716078656913408 n

– Бұл үлкен спорттық мерекені әр жыл сайын өткізуді дәстүрге айналдырмақ ойымыз бар. Және,  келер жылы жүгірушілер саны биылғыдан екі еселенеді деп сенеміз. Сіздердің бүгінгі көтеріңкі көңіл-күйлеріңізді, жастарымыздың белсенділігін байқай тұрып, бүгінгі шараның көпшілікке ұнағандығын көріп тұрмыз. Сондықтан, бәріңізді осындай спорттық және басқа да шараларға көпшілік болып қатысуға шақырамын,- деді аудан әкімі Азамат Бауыржанұлы. 

59306010 2411151752438535 5134512834046066688 n
58419557 2411151772438533 9158050845617553408 n

Жарыс қорытындысында 6 жасар ең жас марафоншы Ғалым Абиловқа, 57 жасар ең егде жүгіруші Болат Мусиевке сыйлық  табысталып, оның арты аудан өнерпаздарының  ән-биіне ұласты. Бұдан бөлек, мұнайлы өңірге келген спорт саңлақтары аудандық спорт кешеніне жиналған жастарға өз спорт салаларынан шеберлік сағаттарын өткізіп, жеңіске жетудің қыр-сырын үйретті.  

Мұратбек ЖАҢАБАЙ

J8A0740 1
J8A0743
J8A0747
J8A0752
J8A0767
J8A0538
J8A0578
J8A0599
J8A0608
J8A0614
J8A0675
J8A0679
J8A0685
J8A0708
J8A0716
J8A0690 1
Баға берсеңіз
Атырау газеті
Пікір қалдырыңыз