Қызылқоға ауданының Тасшағыл, Қызылқоға, Жамбыл елді мекендеріне кірме және ауылішілік жол салу жұмыстары қолға алынды.
Облыстық бюджеттен бөлінген қаражатты тиімді игеріп, жол құрылысын сапалы жүргізу мақсатында «Атырауинжстрой» кәсіпорнының құрылысшылары Тасшағыл ауылына жақын жерге асфальт зауытын жайғастырды. Сөйтіп, бұрын тақтайдай тегіс жолды көрмеген ауылдарға екі-үш шақырымдық жол салып, көшелеріне жаяу жүргіншілер үшін тротуар төсеп беруді міндетіне алды.
Аудан орталығы Миялының көшелеріне жаяу жүргіншілер үшін өрнек тас төсеу жұмыстарына алты миллион теңге қаржы бөлінді.
Гүлмира МАҚСОТҚЫЗЫ,
Қызылқоға ауданы.
