Авангард ықшам ауданындағы Құрманғазы-1 мекен-жайында орналасқан «Сулпак» тұрмыстық техникалар дүкенінің отқа орануы қоқыс жәшігіндегі қалдықтардың тұтануынан болды.
Бұл туралы Атырау қаласы бойынша төтенше жағдайлар басқармасы, азаматтық қорғау бөлімінің майоры Ринат Құрманғалиев хабарлайды. Төтенше жағдай 8 қараша күні 23.00 шамасында орын алды.
Жәшікте тұтанған өрт желмен күшейіп, ғимараттың сыртқы қабырғасына тиіп, қаптама арқылы шатырға жеткен. Оқиға орнына 23.11-де ТЖД өрт сөндіру және авариялық құтқару жұмыстары бөлімінің 16 құрамды 4 техникасы жұмылдырылды. Абырой болғанда зардап шеккендер жоқ. Тілсіз жау 15 минут ішінде ғимраттың 75 шаршы метр алқабын орап үлгерген. Ғимарат толықтай құтқарылды.
Нұрбейбіт Нұғыманов
atpress.kz сайтынан
