Дәулет Теміржан Паралимпиада ойындарының финалына шықты.
Токио Паралимпиада ойындарында тағы бір атыраулық парадзюдошы Дәулет Теміржан ақтық сынға жолдама алды.
73 келі салмақта белдесетін жерлесіміз алғашқы кездесуінде әзірбайжандық Газимов Рамилді ұтса, ширек финалда Рио Олимпиадасының қола жүлдегері және әлем чемпионатының жүлдегері, неміс Хоркас Николайдан басым түсті.
Ақтық сынға жолдама үшін белдесуде грузиялық Калдани Джорджиді қапы қалдырды. Алтын жүлде үшін таластағы қарсыласы өзбекстандық Рио Паралимпиада ойындарының қола жүлдегері Саидов Феруз.
