Бокстан 2001-2002 және каратэ-до спортынан 2006-2007 жылдары туған мектеп оқушылары арасындағы облыстық біріншілік осындай ұранмен өтті.
Атырау аймақтық дене тәрбиесін және спортты дамыту орталығы ұйымдастырған шараға Атырау қаласы, Махамбет, Жылыой, Индер аудандарынан 80 оқушы қатысты. Нәтижесінде 44 пен 80 келі арасындағы салмақ дәрежесінде Б.Жеткербаев, Г.Тасболатов, М.Бекқалиев, Е.Қайыр, А.Горлухаев, Н.Наурызбаев, Б.Нұрлыбекұлы, Ш.Кеңес, С.Құсайынов, Б.Ибрайымов, Қ.Ахметов және Ә.Жалғасбаев жеңімпаз деп танылды.
Ал, каратэ-до спортынан өткен жарысына Атырау қаласының балалар мен жасөспірімдер спорт мектебінен және Мақат, Жылыой аудандарынан 120 оқушы қатысты. Жарыс қорытындысымен 20-35 келі салмақта А.Мухтан, Ю.Павел, А.Мәдіханов, А.Қуан, А.Меңдібаев, А.Павел, Б.Тимурұлы, М.Сүлейменов, М.Ахмеджанов, А.Бөкеев, М.Пәрінбай, С.Байдәулет үздік шықты.
