Жарнама
Жаңалықтар

Шри-Ланкадағы жойқын жарылыстан 42 адам ажал құшты

Аtr.kz/21 сәуір, 2019 жыл. Шри-Ланкада Пасха мейрамын тойлау кезінде алты рет жарылыс жасалды Шри-Ланкадағы жойқын жарылыстар салдарынан 42 адам қаза тауып, кем дегенде 280 адам зардап шекті, деп хабарлайды AFP агенттігі.

Бұған дейін 20 адам ажал құшып, 80 адамның зардап шеккені туралы айтылған еді. Оқиға куәгерлері шіркеулердің бірінде болған жарылыстан кейінгі видеоны желіде жариялады. Кадрларда ғимараттың қираған бөліктері мен жиһаз қалдықтары көрінеді, шіркеуде полицейлер мен құтқарушылар қызмет етіп жатыр.

Нақтылай кетейік, 21 сәуір күні таңертең Шри-Ланка аралында алты жойқын жарылыс болды.

Олардың үшеуі католиктік Пасха мейрамын тойлап жатқан шіркеулерде болған. Соборлардың бірі Шри-Ланканың астанасы Коломбо қаласында орналасқан, тағы екеуі – қаладан тысқары аумақта. Сонымен қатар, тағы үш қымбат қонақ үйде теракт болды. Дереккөз: sputniknews.kz

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button