10 желтоқсан күні сағат 15.00-де Құрманғазы атындағы Мәдениет үйінде Тәуелсіздік мерекесіне орай Атырау облысы әкімдігінің қолдауымен, «Шапағат» деструктивтік діни ағымдардан жапа шеккендерге көмек орталығы» Қоғамдық қорының ұйымдастыруымен «Дінді ұстай білсең – қасиетің, ұстай білмесең – қасіретің» атты республикалық жыр мүшәйрасының ақтық сыны өтеді.
Естеріңізге сала кетейік, аталмыш мүшәйраның жабылу салтанатында Қазақ хандығының 550 жылдығы, Қазақстан халқы Ассамблеясының 20 жылдық мерейтойларына орай өткізілген «Отанды сүю – иманнан» атты бейнероликтер, «Ынтымақ түбі – игілік» атты республикалық шығармалар байқауының жеңімпаздары да марапатталады деп күтілуде.
Келіңіздер, қазақ өнерінің құдіретіне тағы да бір тәнті болыңыздар, ағайын!