Облыс әкімі Нұрлан Ноғаев өткізген брифингте мектептердегі ыстық тағаммен қамту мәселесі сөз болды.
- Мектептердегі ыстық тағаммен қамту мәселесі қаншалықты бақылауда ұсталуда? – деген сауалға облыс әкімі былай деп жауап берді:
– Тексеріс жұмыстары үнемі жүргізіліп отыруы тиіс, – деді аймақ басшысы. – Ең алдымен, оған қоғам, ата-аналар мүдделі болуы шарт. Сонымен қатар, бұл мәселе облыстық білім беру басқармасының тікелей құзырында. Өткен жылы бастауыш сынып оқушыларын және әлеуметтік жағдайы төмен отбасылардан шыққан балаларды ыстық тағаммен қамту үшін қажетті қаражат бөлінді. Өкінішке орай, жүктелген міндет тиісті деңгейде атқарылмай отырғандығы жасырын емес. Алдағы уақытта осы мәселеге байланысты тиісті шараларды атқаратын боламыз.
