Atr.kz/17 ақпан, 2020 жыл. Жуырда Ресей мемлекетінің Волгоград қаласында Сталинград шайқасындағы жеңіске 77 жыл толуына орай халықаралық марафон болып өтті. Осымен 73-ші рет ұйымдастырылып отырған бұл жаппай жүгіруге үш атыраулық марафоншы қатысты.
– Дәстүрлі түрде өткізіліп келе жатқан бұл марафонға мен жыл сайын қатысамын. Биыл 73-ші рет жүгіру алаңына шықтым. Жыл сайын шақырту аламын. Бұл жарыс менің өмірімнің бір бөлшегіне айналғандай. Осы жарысты жыл сайын асыға күтемін. Қазір жасым 60-қа таяды. Дегенмен, болашақта да осы үрдісті жалғастырғым келеді, – деді С.Өтебаев атындағы Атырау мұнай және газ университетінің оқытушы-профессоры Асқар Қазиев.
Ол, өз жасындағы желаяқтарға белгіленген 5 шақырымдық марафонды жақсы көрсеткішпен жүгіріп шыққан. Егде спортшы бұл жолы өзімен бірге екі шәкіртін ілестіре келген. Аталмыш оқу орнының суденттері Бейбарыс Елтай (АиУ-17, қ/т) мен Айбол Жұмабек (НГД-19 қ/т) 10 шақырымдық бәйгеге қосылып, өздерінің спорттық мүмкіндіктерін сынап қайтты.
Мұратбек ЖАҢАБАЙ
