Облыстық дене шынықтыру және спорт басқармасының басшысы Нұржан Ермұханов журналистерге Елбасының халықтың денсаулығын жақсарту, елімізде спортты дамыту жөніндегі міндеттері мен «Қазақстан – 2050» ұзақ мерзімді стратегиясын жүзеге асыруда атқарылып жатқан шараларды жан–жақты әңгімеледі.
Сондай–ақ, баспасөз мәслихатында отырып ойнайтын волейбол бойынша Қазақстан құрама командасының бас бапкері Бауыржан Тахауов паралимпиадалық ойындарға қатысуға жолдама беретін халықаралық турнирге дайындықтары жөнінде баяндады.
Байдарка мен каноэде ескек есуден облыстың аға жаттықтырушысы Николай Богачкин алпыс жылдық тарихы бар, спорттық жетістіктерге бай атыраулық ескекшілердің бүгінгі тынысын, халықаралық сайыстарға әзірліктерін әңгімеледі.
Баспасөз мәслихатында спорт саласының мамандары журналистерді толғандырып жүрген сұрақтарға да жауап берді.
Бақытжан ЖҰМАТ.
