Ұлттық стильде құрақ тігуден тегін шеберлік сағаттарының циклы «Ұлы даланың ұлттық дәстүрлері» алғашқы Халықаралық форумының аясында өтуде. Дизайнер Ырза Тұрсынзаданың айтуынша тегін шеберлік сағаттарының мақсаты – тігу технологиясын үйрету және ежелгі ұлттық қолөнерді жандандыру.
– Атырау облысында семинарлар екінші рет өтуде, алғаш рет біз өткен жылы ұйымдастырғанбыз, бүгінгі күнмен салыстыра отырып, мені шеберлік сағаттарынан алғаш өткен қыз-келіншектердің көне қолөнерімізді өркендетіп, өз ісін ашқаны қуантады. Біз ұлы ақындарды, ұлт батырларын тәрбиелеп, қоғамның дамуына ықпал еткен қазақ әйелдеріне тән қасиеттерді дамыту мақсатында бірлесе жұмыс жасаймыз, – деді Ырза Тұрсынзада.
Шеберлік сағаттарына қатысушылар тұрмыстық заттар мен киімдерді қалпына келтіруге үйренді. Шеберлік сағаттары барысында бірегей тігу техникасы көрсетілді.
– Маған қатты ұнады, енді мен үйде отырып ұлттық тұрмыстық заттарды өз қолыммен жасай аламын. Алған тәжірибем маған алға қарай да пайдаға асады, бұған өзімнің барлық бос уақытымды арнағым келеді, – деді үй шаруасындағы Гүлдана Дәулетбаева.