whatsapp image 2020 12 15 at 09.21.23

Енді Атырауда да инклюзивті қолдау кабинеті бар (+ФОТО)

Жаңалықтар ФОТОГАЛЕРЕЯ Қоғам
9 / 100

Атырау қаласындағы Боран Нысанбаев атындағы орта мектепте инклюзияны қолдау кабинеті ашылды, деп хабарлайды облыстық білім беру басқармасының баспасөз қызметі.

Аталмыш мектепте ерекше білімді қажет ететін​ 6 оқушы оқиды, олардың әр біріне педагог-ассистент қолдау көрсетеді. Сонымен қатар, дефектолог, логопед, психолог, кабинет жетекшісі штаттары ашылған.

Инклюзивті қолдау кабинетінің ашылу салтанатына ​ облыс әкімінің орынбасары Бақытгүл Хаменова қатысты.

«Тұңғыш Президент – Елбасы Нұрсұлтан Назарбаевтың тапсырмасы бойынша, елімізде «Қамқорлық» бастамасы іске асырылуда. Бастама шеңберінде бірінші кезекте ерекше қажеттіліктері бар балаларға арналған арнайы мекемелердің жетіспеушілігі мәселесін шешу, сондай-ақ, оларды кадрлармен және қажетті жабдықтармен қамтамасыз ету міндеті қойылды.  «Қамқорлық» бастамасын іске асыру үшін 8 өңір таңдалды. Оның ішінде Атырау қаласы да бар. Жол картасына сәйкес, «Қамқорлық» бастамасын Нұрсұлтан Назарбаев Қоры Үкіметпен, өңір әкімдіктерімен және​ «Самұрық-Қазына» компаниясымен бірлесіп іске асырады. «Қамқорлық» бастамасының арқасында ерекше білім беру қажеттіліктері бар​ үйде оқитын балалар мектеп ортасына бейімделеді», деді Бақытгүл Қайыржанқызы.​

Инклюзивті қолдау кабинетінде​ психологиялық дамуында аутизм белгілері бар балаларды АВА әдісі бойынша оқыту көзделген. Педагогтардың сүйемелдеуімен оқушыларды қалыпты балалардың қатарына қосу орталық ​ мамандарының мақсаты. Арнайы сыныптарда​ дефектолог, логопед, педагог-ассистент мамандығы бойынша 41 маман ерекше балалармен жұмыс жасау үшін арнайы курстардан өтіп, біліктіліктерін арттырған. ​ ​ ​ ​

​ ​​Айта кетелік, облыста ерекше білімді қажет ететін ​ 6653 бала бар.

whatsapp image 2020 12 15 at 09.21.21
whatsapp image 2020 12 15 at 09.21.22
whatsapp image 2020 12 15 at 09.21.24

Пікір үстеу

Э-пошта мекенжайыңыз жарияланбайды. Міндетті өрістер * таңбаланған