Қазақстан Республикасы Тәуелсіздігінің 30 жылдығын мерекелеу аясында ауылдардың жетістіктерін көрсету жөніндегі «Ауылдың гүлденуі – Қазақстанның гүлденуі» марафонының тұжырымдамасы жарияланды.
ІС-ШАРАНЫҢ АТАУЫ: ауылдардың жетістіктерін көрсету жөніндегі «Ауылдың гүлденуі – Қазақстанның гүлденуі» марафоны
ӨТЕТІН ОРНЫ: облыстардың және аудандардың орталықтары, ауылдық округтер
ӨТЕТІН УАҚЫТЫ: 2021 жылғы қазанның соңына дейін
ІС-ШАРАНЫҢ МАҚСАТЫ:
– Қазақстанның ауыл шаруашылығы саласындағы жетістіктерін көрсету;
– ауылдардың Қазақстан Республикасының Тәуелсіздік жылдарындағы табыстары мен жетістіктерін көрсету;
– азаматтардың Тәуелсіз Қазақстанның дамуына қосқан жеке үлесін көрсету;
– ауылдың өзіндік өмір салтын сақтау;
– ауыл тұрғындарының өмір сүру сапасы мен әл-ауқатын жақсарту, ауылдарды орнықты дамыту;
– ауыл шаруашылығы өнімдерінің бәсекеге қабілеттілігін арттыру;
– халық қолөнері элементтерін көрсету.
ҚАТЫСУШЫЛАР ҚҰРАМЫ:
– облыстар мен аудандардың әкімдіктері;
– ауыл тұрғындары;
– ауыл шаруашылығы тауарларын өндірушілер;
– аграрлық ғылымның өкілдері.
Марафон аясында ұсынылған іс-шаралар:
1. Отандық өндірушілердің ауыл шаруашылығы өнімдерінің көрме-жәрмеңкесін ұйымдастыру;
2. Әкімдіктер ғимараттарының жанында, интернет-ресурстарда, бұқаралық ақпарат құралдарында Қазақстан Республикасының Тәуелсіздік жылдарындағы ауылдардың (аудандардың) жетістіктері туралы «Бұрын болды – қазір өзгерді» фотогалереясын ұйымдастыру;
3. Әкімдік ғимараттары жанында, интернет-ресурстарда, бұқаралық ақпарат құралдарында ауылдардың (аудандардың) дамуына ерекше үлес қосқан еңбеккерлердің, еңбек ерлерінің жетістіктері туралы фотогалерея ұйымдастыру;
4. Ауыл еңбеккерлерінің, еңбек ерлерінің, ғалымдардың, ауыл (аудан) әкімдерінің қатысуымен Қазақстан Тәуелсіздігінің 30 жылындағы ауылдың (ауданның) өмірі туралы деректі фильмдер шығару, мақалалар жариялау;
5. Облыстың, ауданның, ауылдардың жетістіктері туралы бұқаралық ақпарат құралдарында, интернет-ресурстарда мақалалар жариялау;
6. Облыстардың, аудандардың, республикалық маңызы бар қалалардың, ауылдардың білім беру ұйымдарында ауылдардың еңбек ерлерінің қатысуымен аудандардың, ауылдардың жетістіктері, оның ішінде ауыл шаруашылығы жетістіктері туралы ашық сабақтар өткізу.
Осы іс-шаралардың барлығы бұқаралық ақпарат құралдарында кеңінен жариялануы тиіс.
Күтілетін нәтижелер:
– Тәуелсіздіктің 30 жылындағы Қазақстан Республикасының отандық ауыл шаруашылығының жетістіктерін таныстыру;
– ауылдардың (аудандардың) Қазақстан Тәуелсіздігі жылдарындағы табыстары мен жетістіктерін таныстыру;
– ауыл шаруашылығы тауарларын/қызметтерін ішкі және сыртқы нарықтарда жылжыту;
– қоғамның, мемлекеттік органдардың, жергілікті өзін-өзі басқару органдарының және агробизнес өкілдерінің хабардарлығын арттыру;
– ауыл шаруашылығы тауар өндірушілерінің және АӨК-нің басқа қатысушыларының имиджін жақсарту;
– халықты Қазақстан Республикасының Тәуелсіздік жылдары ауыл шаруашылығы саласында қол жеткізген жетістіктерімен таныстыру;
– қазақстандық мемлекеттілікті сақтау және нығайту, Қазақстан азаматтарының патриоттық сезімін нығайту.
Ескерту: аймақтардағы эпидемиологиялық ахуалды ескере отырып, іс-шаралар санитарлық талаптарды қатаң сақтай отырып, оффлайн режимінде немесе интернет-ресурстарда онлайн режимінде өткізіледі.
