ҚЫТАЙ. Бейжіңде экологиялық полиция бөлімшесі пайда болды. Оның қызметкерлері ауаның ластануымен күрес жүргізеді.
Жалпы, жергілікті билік биыл шаһардың экологиялық жағдайын жақсарту шараларын мықтап қолға алмақ. Осы ретте көктемде қаладағы жалғыз ғана көмір жылу электр стансасының қызметін тоқтату жоспарланып отыр. Сондай-ақ, алдағы уақытта 300 мыңға жуық ескі көліктің көзі жойылады.
Айта кеткен жөн, соңғы жылдары Қытай астанасындағы экологиялық жағдай күрт нашарлап кетті. Мамандардың айтуынша, оған шаһар төңірегіндегі жер үйде тұратын халықтың көмір жағуы мен көлік түтіні әсер етіп отыр. Осы ретте жергілікті билік ауаның ластануымен күрес жүргізу үшін биыл 2,5 млрд. доллар бөлуге ниетті.
