Қазақстанда мобильдік телефон нөмірімен мезеттік төлемдер жүргізу жүйесі іске қосылды

priorbank 20170607 tutby phsl 8412 Жаңалықтар

«Suńqar» жүйесі қатысатын түрлі банктер клиенттерінің арасында Қазақстан бойынша мезеттік төлемдер мен ақша аударымдарын жүргізуге мүмкіндік береді. Бұл ретте жеке тұлғалар арасында ақша аудару үшін қарапайым да қолайлы сәйкестендіруші – мобильдік телефон нөмірі пайдаланылады, оны кез келген ақы төлеу көзі – төлем карточкасына, ағымдағы банктік шотқа, электрондық әмиянға байланыстыру қажет.

priorbank 20170607 tutby phsl 8412
Фото – virtualbrest.by

«Suńqar» жүйесіндегі қызметтерді Қазақстан банктері өздерінің мобильдік қосымшалары немесе интернет-банкинг жүйесі арқылы жүзеге асырады. Қазіргі уақытта мезеттік төлемдер жүйесі арқылы «Банк ЦентрКредит» АҚ, «Altyn Bank» АҚ (China CITIC Bank Corporation Limited ЕБ) және «Еуразиялық Банк» АҚ қызмет көрсетеді.

2019 жылы 10-нан аса екінші деңгейдегі банк жүйеге қосылуды жоспарлап отыр. Жаңа қызмет осы банктердің мобильдік қосымшаларында және қашықтан қызмет көрсету жүйелерінде өздерінің ішкі жоспарына сәйкес ақпараттық жүйелерінің пысықталуына қарай пайда болады. Мезеттік төлемдер мен аударымдар бойынша клиенттерге арналған тариф саясатын банктер өз алдына дербес айқындайды.

Бірінші кезеңде «Suńqar» жүйесінде жеке тұлғалар арасында ақша аударуға (P2P-аударымдар), оның ішінде түрлі қатысушы банктердегі өз шоттары (салымдар, брокердегі инвест-шотты толықтыру және басқалары) бойынша жүргізуге болады. Бастысы сол, «Suńqar» жүйесі арқылы QR-кодтарды* сканерлеу арқылы мобильдік телефонмен бөлшек саудада есеп айырысуға да мүмкіндік бар.

Қазақстанда мезеттік төлемдер жүргізу жүйесін енгізу – кез келген уақытта төлемдер жүргізудің әмбебап алаңын жасауға бағытталған.

Айнұр БАҚЫТХАНҚЫЗЫ,

ҚР Ұлттық Банкі Атырау филиалының экономикалық талдау және статистика бөлімінің бас маман-экономисі.

Баға берсеңіз
Атырау газеті
Пікір қалдырыңыз