200804170029982e

Бетпердесіз жолаушы ұшақтан түсіріліп тастады

Жаңалықтар Құқық

Atr.kz/5 тамыз, 2020 жыл. «Атырау-Ақтау» бағытындағы ұшаққа отырғызу кезінде жолаушы тарапынан өрескел тәртіп бұзылды. Бұл туралы «Qazaq Air» АҚ әуекомпаниясының өкілінен Атырау қаласы әуежайындағы желілік полиция бөлімшесіне хабарлама түсті.

-Тексеріс кезінде полицейлер командир мен экипаж мүшелерінің айтқанын орындамай, маска тағудан бас тартып карантин ережесін бұзған 60 жастағы Ақтөбе қаласының тұрғынын анықтады. Сараптама барысында азаматтың ішімдік ішкені анықталды. Тәртіпке бағынбаған жолаушыны ұшақтан түсіріп тастады. Тәртіп бұзушыға қатысты ҚР ӘҚБтК- нің 440-бабының 1-бөлігі (алкогольдік ішімдіктерді ішу немесе қоғамдық орындарға масаң күйде келу) және ҚР ӘҚБтК-нің 566-бабы (ұшақта өзін-өзі ұстау ережелерін бұзу) бойынша әкімшілік хаттама толтырылып, 8 АЕК (22 224 теңге-ред.) көлемінде айыппұл салынды, – дейді Көліктегі полиция департаментінің мамандары.

Сонымен қатар, жолаушыға қатысты ҚР ӘҚБтК-нің 425-бабы (Халықтың санитарлық-эпидемиологиялық салауаттылығы саласындағы заңнама талаптарын, сондай-ақ гигиеналық нормативтерді бұзу) бойынша әкімшілік хаттама толтырылып, ол Атырау бөлімшелік көліктегі тауарлар мен көрсетілетін қызметтердің сапасы мен қауіпсіздігін бақылау басқармасына жолданды.

Аман ШАМАР

Пікір үстеу

Э-пошта мекенжайыңыз жарияланбайды. Міндетті өрістер * таңбаланған