Басқармаға – жаңа басшы

Облыс әкімі Серік Шәпкеновтің өкімімен Атырау облысы жолаушылар көлігі және автомобиль жолдары басқармасының басшысы болып Әсет Самарханұлы Оразғалиев тағайындалды.

Ә.Оразғалиев Индер ауданындағы Есбол ауылында дүниеге келген. Қазақ мемлекеттік сәулет-құрылыс академиясын, Атырау мұнай және газ институтын бітірген. Еңбек жолын 2003 жылы бастаған. 2009 жылдан бергі қызметі облыстың жол саласымен байланысты. Бұған дейін Индер ауданы әкімінің орынбасары болып қызмет еткен.

Облыс әкімі баспасөз қызметінің ақпараты бойынша дайындалды