Балық үшін шу шығарған 37 атыраулық тұрақты жұмысқа орналасатын болды

1 Жаңалықтар

 

Балықтың уылдырық шашатын уақытында су көлігін жүргізу ережесіне наразы болған Атырау облысындағы Жанбай, Зинеден ауылдарының 37 тұрғыны тұрақты жұмысқа орналасатын болды. 

1

Естеріңізге салайық, сәуір айының басында бұл тәртіпке көнгісі келмеген бірнеше тұрғын билік өкілдерімен қақтығысқан еді. Себебі, балық қорғау инспекциясы су  жануарының көбеюіне кедергі болмау үшін моторының қуаты 20 аттың күшінен асатын қайықтарды теңізге шығармай қойған.

Бос жұмыс орындары жәрмеңкесінен соң қос ауыл тұрғындарынан 117 түйіндеме қабылданған. Өткен айдағы ақпарат бойынша, олардың 37-сі тұрақты жұмысқа орналасатын болды. 16 адамның кандидатуралары қайтадан зерделеніп жатыр.

2

Маман қабылдап жатқан ұйымдардың дені  «ТеңізШевройл» мұнай компаниясымен бірлесіп жұмыс істейді. Ұсынылған мыңға жуық қызметтердің ішінде көлік жүргізушісі, құрылысшы секілді жұмыс орындары бар.

Айта кетейік, бұған дейін Жанбай, Зинеден ауылдарындағы жұмыссыздардың саны 118 болған еді. Елді мекендегі кейбір тұрғындар балық аулаумен айналысады.

Атырау облысы әкімдігінің баспасөз қызметі

Суреттерді түсірген: Рахым ҚОЙЛЫБАЕВ.

Баға берсеңіз
Атырау газеті
Пікір қалдырыңыз