Әдетте балабақша тәрбиешілерін осылай атайды. Расында да, кішкене бүлдіршіндерді үлкен өмірге бейімдеп, оң-солын тануға үйретуде осы мамандық иелерінің алар орны ерекше. Сондықтан, бұл істі оны жан-тәнімен сүйетіндер, оған бар болмысымен берілгендер ғана атқара алады. Атырау қаласындағы №1 мектепке дейінгі авторлық гимназияның директоры Алтынгүл Шәріпқызы Өтебалиева – осындай жан.
Ол жетекшілік етіп отырған Атырау қаласындағы №1 мектепке дейінгі авторлық гимназия «Айгөлек», «Тілдарын», «Жаңашыл балабақша-2016», педагогикалық оқулар тәрізді қалалық, облыстық және республикалық түрлі байқауларда ең үздік деп танылды. Ұжым педагогтары қазақстандық және халықаралық сайыстарға, интернет жарыстарға қатысып, жүлделі орындарды иеленуде.
Ол – «Балабақша мен отбасы әрекеттестігінің жаңа түрі – кеңес беру пункті жұмысын ұйымдастыру» нұсқаулығы, «Шаңырақ», «Үштілділік» авторлық бағдарламаларының авторы. Сонымен қатар, «Үздік менеджер-2014», «Үздік балама бағдарлама-2013», «Үздік әдіскер-2014», «Үздік презентация-2015» байқауларында топ жарды.
Тура мағынасында, Алтынгүл Шәріпқызы – ұжым мақтанышы. Оны балабақша қызметкерлері де, бүлдіршіндердің ата-аналары да қатты сыйлайды. «Ұстаз болу – жүректің батылдығы» дегендей, ол бүкіл саналы ғұмырын бала тәрбиесіне арнады. Сондықтан оған:
Жеміс берсін тер төккен еңбегіңіз,
Жақсылық болсын әрдайым көргеніңіз.
Дәулет пен мерейіңіз таса берсін
Арта берсін абырой-беделіңіз, – демекпіз.
Эльмира ИБРАГИМОВА,
№1 мектепке дейінгі авторлық гимназияның
қазақ тілі пәні мұғалімі,
Атырау қаласы.
