«Атырау-Ақпарат» ЖШС-інде брифинг өткізген облыс әкімі Нұрлан Ноғаев Азғыр өңіріне газ биыл тартылатынын мәлім етті.
– Азғыр, Балқұдық, Сүйіндік елдімекендеріне көгілдір отын жеткізу жобасы НСОС компаниясының әлеуметтік салаға жұмсайтын қаражаты есебінен жүзеге асады. Қазіргі таңда жобалық-сметалық құжаттамасы, сараптама қорытындысы да дайын. Тендер жүргізіліп жатыр. Басшылықтың берген мәліметі бойынша, құрылыс биыл бірінші жартыжылдықта басталады. Сондай-ақ, бұл өңірдің электр жарығын жаңғырту мәселесін де қарастырып отырмыз.
