yarmarka abaj alemi 18 scaled

Атыраулық зияткер шәкірттер Абай мұрасын жаңғыртуда

Білім Жаңалықтар ФОТОГАЛЕРЕЯ

Atr.kz/11 наурыз, 2020 жыл. Мемлекет басшысы Қасым-Жомарт Тоқаевтың «Абай және ХХІ ғасырдағы Қазақстан» атты мақаласын қолдау мақсатында Атырау қаласындағы Назарбаев Зияткерлік мектебінде «Абай әлемі» ғылыми-танымдық жобасы басталды.

Ұлтымыздың рухани дүниесіндегі шоқтығы биік қайталанбас дара тұлғаның туындыларын тану, жаңғырту және насихаттауға арналған жоба екі ай бойы облыстағы зияткерлік мектепте жалғасын таппақ. Абайдың 175 жылдығына арналған ауқымды шараға мектеп қауымдастығы және аймақтағы зиялы қауым өкілдері мен жалпы білім беретін мектептердің оқушылары қатысуда. 

– Бұл жоба арқылы біздер әлемдік мәдениетте Абайды Қазақстанның бренді ретінде әлемге кеңінен таныстыруға жұмыстанғымыз келеді. Жастарға Абайдың пәлсапалық, этикалық, эстетикалық, психологиялық және педагогикалық ой-пікірлерге толы поэтикалық шығармалары мен қара сөздерінің тәрбиелік маңызын ұғындыру үшін түрлі шаралар жоспарланған», – дейді ұйымдастырушылар алқасы.

«Абай әлемі» ғылыми-танымдық жобасы аясында «Абай тағылымдары» атты кіріктірілген ашық сабақтар фестивалі, «Жас абайтанушы» жобалар сайысы, креативті жазба байқауы, оқырмандар фестивалі, «Абай жолы» романына негізделген қойылым, әдеби  жыр мүшайрасы мен мектеп оқушылары арасындағы облыстық бейнебаяндар байқауы ұйымдастырылады.

Ал жуырда мектеп оқушылары Абайдың белгілі шығармаларына негізделген тәтті кітап торттарының жәрмеңкесін ұйымдастырды. Мұнда әрбір шаңырақ қауымдастығы ақынның нақыл сөздері мен өлеңдерінің жинағынан естелік кәде сыйлықтар, түрлі бұйымдар мен тәттілерді ұсынды.

– Мектебімізде жыл сайын «Кітап-фест» жобасы жүзеге асып келеді. Бұл жобаның мақсаты жалпы оқушылар мен ата-аналарды, мектеп қауымдастығын кітап оқуға деген қызығушылығын арттыруды көздейді. Биылғы «Кітап-фест» тақырыбы «Абай әлемі» ғылыми-танымдық жобасымен тұспа-тұс келгендіктен ақынның еңбектеріне арналып отыр», – дейді мектеп баспасөз хатшысы Әнуар ЖАМАНҚҰЛОВ.

Осылайша атыраулық оқушылар ұлы ақынның асыл мұрасын дәріптеу жолымен Абайдың 175 жылдығын кең көлемді атап өтпекші. Адамдық қасиеттерді құрметтеу, еңбек күшін бағалау, ұлтжандылық, отансүйгіштік және азаматтық позиция сынды әр адамға қажет қасиеттерді дарытуға арналған жоба сәуір айында қорытындыланады.

abaj әlemi kreativtik zhazba 3
yarmarka abaj әlemi 5

abaj әlemi kreativtik zhazba 23
yarmarka abaj әlemi 15
yarmarka abaj әlemi 14
abaj әlemi kreativtik zhazba 17

Ақпарат және фотосуреттер мектеп баспасөз қызметімен ұсынылды

Пікір үстеу

Э-пошта мекенжайыңыз жарияланбайды. Міндетті өрістер * таңбаланған