Талдықорған қаласында 28 ақпан мен 2 наурыз аралығында қоян-қолтық ұрыс спортынан жасөспірімдер арасында ел біріншілігі өтті.
Жарыс қорытыныдысы бойынша атыраулық спортшылар 3 алтын, 3 күміс және 1 қола медальға қол жеткізді.
Соның ішінде, 46 келіде өнер көрсеткен Қарақат Болатқызы 14-15 жас аралығы бойынша үздік деп танылды.
Ал, Алтынбек Мұратұлы ауыр салмақ жеңімпазы атанса, Мейрамбек Айғалиев төртінші рет ел чемпионы атанды.
***
Сонымен бірге, Талдықорғанда таэквандодан ерлер мен әйелдер арасында Қазақстан біріншілігі өтті.
Атырау облыстық дене шынықтыру және спорт басқармасының баспасөз қызметінен білгеніміздей, жарыс нәтижесінде атыраулық спортшылар 1 алтын, 1 күміс және 4 қола медаль иеленді.
Атап айтқанда, 67 келіде Нұрай Құсайынова жеңімпаз атанды. Ал, Нұрай Бауыржанова (49 кг) ақтық кезеңге өтіп, күміске қол жеткізді.
Сондай-ақ, Айдана Еділбаева (46 кг), Айгүл Елубай (73 кг), Жадыра Хайруллина (73 кг) және Әли Қайырғалиев (58 келі) үшінші орынды қанағат тұтты.
Аман ШАМАР
