Atr.kz/5 тамыз, 2019 жыл. #Birge #TazaQazaqstan экологиялық акциясына 2500 атыраулық қатысты.
– Атырауда Жайық өзенінің жағалауын санитарлық тазарту бойынша кезекті акция өтті, деп хабарлайды Атырау қаласы әкімдігінің баспасөз қызметі.
Өткен сенбі, 3 тамызда Атырауда #birge #TazaQazaqstan экологиялық акциясының кезекті сенбілігі өтті. Сенбілікке 121 ұйымнан 2500-ге жуық қала тұрғындары қатысты.
– Экологиялық акцияға қатысушылар барлығы 38 тонна қоқыс жинады. Санитарлық тазалық жұмыстарына 38 арнайы техника жұмылдырылды – 23 КамАЗ, 4 автобус, 1 қайық, , 2 тиегіш, 5 трактор және 1 манипулятор, – дейді Атырау қаласы әкімінің орынбасары Шәкір Кейкин.
Айта кетейік, #birge #TazaQazaqstan науқанының екі кезеңінде Жайық өзенінің жағасынан 60 тоннаға жуық қоқыс жиналды.
«Акция алдағы айларда жалғасады», – деді Шәкір Кейкин.
