Атырауда өрттен 11 адам құтқарылды
Түнгі уақытта Атырау қаласының бір ауданында бес қабатты тұрғын үйдің 1-қабатындағы пәтерде өрт шықты. Хабарлама 112 пультіне түскен соң, оқиға орнына құтқарушылар жедел жетті.
Облыстық төтенше жағдайлар департаментінің баспасөз қызметінің хабарлауынша, өрт сөндірушілер мен медициналық көмек орталығының мамандары бірлесіп әрекет етіп, құтқару жұмыстарын жүргізді. Саты мен құтқару қалпақтарын пайдалана отырып, оның ішінде екі бала бар, 7 адамды құтқарды. Оларды одан әрі тексеру үшін медициналық жедел жәрдемге тапсырылды. Сонымен қатар, автосаты арқылы тағы төрт адам, оның ішінде бір бала, қауіпсіз жерге шығарылды.
Өрт сөндіру бөлімшелерінің үйлесімді жұмысының нәтижесінде өрт толықтай сөндірілді. Қазір өрттің шығу себебі анықталуда.
ТЖМ тұрғындарды сақтық шараларын сақтауға шақырады.
Алтыншаш ҚҰРМАШЕВА
