img 20201126 wa0018

«Жеңіс жолымен» (+ФОТО)

Жаңалықтар ФОТОГАЛЕРЕЯ Қоғам
13 / 100

Атырау облыстық ішкі саясат басқармасының Азаматтық орталығының қолдауымен Рухани жаңғыру бағдарламасы аясында Ретро саябақта «Жеңіс жолында» атты квест ойындары өтті.

Шараның негізгі мақсаты — жастарды отансүйгіштікке тәрбиелеу, Ұлы Отан соғысы туралы, тәуелсіздік жолында күрескен тұлғалар туралы әрі олардың майдандағы, тылдағы өмірі туралы түсінік қалыптастыру. «Dream team», «ЮКЖ», «Адреналин», «Біз біргеміз», «Сұңқар» секілді жалпы саны 5 команда қатысқан квест ойындарында қатысушыларға әр түрлі тапсырмалар беріліп, оларды орындау міндеттелді.

Мәселен, квест тапсырмаларының арасында бұрынғы «Мәңгілік алау» орнында суретке түсу, ҰОС кезінде пайдаланылған көліктің жанында суретке түсу, барша командамен бірге соғыс жылдарындағы әндерді орындау секілді қызықты 15 тапсырма ұсынылды. Әрбір топ тапсырмаларды орындай отырып, станцияның жауапты адамдарынан кезеңнің сәтті аяқталғаны туралы маршрут парағында белгі алып, келесі межелі жерге ауысып отырды. Командаларға тапсырмаларды орындауға 2,5 сағат берілді.

Командалардың әділ бағасын беретін комиссия мүшелерінің құрамында Атырау облысы Ішкі саясат басқармасы Азаматтық орталықтың директоры Айгерім Досқалиева, «Самға жүрегім» қоғамдық қорының директоры Эльвира Аралова, «Атырау» телеарнасының журналисі Зейін Ерғали, сонымен қатар, қала тұрғыны Қалжан Ғұмарова болды.

«Алуан-алуан жүйрік бар әліне қарай шабады» демекші, ойының ұшқырлығы мен физикалық шапшаңдығының арқасында жүйрік атанған командалар бәйгенің басынан көрінді. Сайыстың қорытындысы бойынша, 1-орынды «Адреналин» командасы(100 мың теңге сыйақы), 2-орынды «ЮКЖ» командасы(70 мың теңге сыйақы), 3-орынды «Dream team» командасы(50 мың теңге сыйақы) жеңіп алып, квест ойындарына белсене қатысқан «Біз біргеміз» және «Сұңқар» командалары Алғыс хатпен марапатталды.

Алтынбек Мерсадық

img 20201126 wa0016
img 20201126 wa0017
img 20201126 wa0014
img 20201126 wa0015

Пікір үстеу

Э-пошта мекенжайыңыз жарияланбайды. Міндетті өрістер * таңбаланған