pozhar 1

Атырауда көпқабатты үй отқа оранып, 35 адам эвакуацияланды

Жаңалықтар

Atr.kz/5 қаңтар, 2020 жыл. Кеше Атырау қаласындағы С.Датов көшесінде орналасқан №25 үйдің бесінші қабатынан өрт шықты.

Облыстық төтенше жағдайлар департаментінде хабарланғандай, үйдің есігін ешкім ашпағандықтан, терезе арқылы кіруге тура келген.

Өрт сөндірушілер жатын бөлмеде төсеніштің жанып жатқанын және көрші бөлмеде ес-түссіз жатқан ер адам барын анықтаған. Ол дереу дәрігерлерге жеткізілді. Жалын аумағы 5 шаршы метрді құрады.

Айта кетейік, бес қабатты үйден 35 адам эвакуацияланды, оның сегізі – балалар. Оқиға орнында 10 өрт сөндіруші мен 3 бірлік техника болды.

Амандық САҒЫНТАЙҰЛЫ

Сурет облыстық төтенше жағдайлар департаментінен алынды.

Пікір үстеу

Э-пошта мекенжайыңыз жарияланбайды. Міндетті өрістер * таңбаланған