Атырау облыстық инфекциялық ауруханасына — жаңа басшы

Облыстық инфекциялық ауруханасының директоры қызметіне тәжірибелі маман Нұрбек Үкібаев тағайындалды.

Ол – денсаулық сақтау саласында 25 жылдан астам еңбек өтілі бар білікті ұйымдастырушы, дәрігер-педиатр және кардиолог.

Еңбек жолын 2000 жылы кардиолог-дәрігер ретінде бастаған. Әр жылдары Жылыой аудандық ауруханасының консультативтік-диагностикалық бөлімінің басшысы, Жылыой аудандық ауруханасының директоры, Атырау қалалық №1 емхананың басшысы болды.
2025 жылдың тамызынан бастап облыстық инфекциялық аурухана директорының міндетін атқарушы қызметін атқарды.

Жаңа басшының кәсіби тәжірибесі өңірдің инфекциялық қызметін одан әрі дамытуға ықпал етеді деп күтіледі.