«Тест режиміндегі пойыз 17 ақпан күні сағат 17.15-те алғашқы сапарын бастаған» деп хабарлайды Atr.kz
Атырау облыстық жолаушылар тасымалы және автомобиль жолдары басқармасының басшысы Әсет Оразғалиевтің айтуынша, тест режиміндегі пойызға құрамында жергілікті атқарушы органдардың өкілдері, «Қазақстан темір жолы» компаниясының жауапты мамандары бар жұмыс тобы отырған.
«Мақсатымыз — темір жол қатынасының тиімділігін зерделеу, жол ұзақтығы мен темір жол қозғалысы көрсеткіштерін анықтау. Сапар қорытындысын негізге ала отырып, облысішілік пойыздың тұрақты қатынау мәселесін қарастырамыз» дейді спикер Әсет Оразғалиев.
Баян ЖАНҰЗАҚОВА
